168
22 shares, 168 points

Ferrari SF90 Stadale ќе биде ѕвездата во новиот краткометражен филм на Клод Лелуш, чијшто славен „Рандеву“ по париските улици во 1970-те години, уште собира прегледи на јутјуб. Новата верзија на овој филм ќе се снима во Монте Карло, по улиците каде што викендов требаше да се вози формула 1.

Некои датуми не се пропуштаат да се одбележат, без оглед на пречките. В недела требаше традиционално да се одржи трката во формула 1 за Големата награда на Монако. Поради пандемијата, светскиот настан првпат по 1954 година нема да се одржи. Настанот сепак ќе се одбележи, достоинствено.

Клод Лелуш, една од најголемите француски и светски режисерски ѕвезди, в недела ќе го снима „Le Grand Rendez-Vous” со Шарл Леклерк, во стилот на „C’était Un Rendez-Vous“ кој е снимен во 1976 година. Патем, самиот настанок на овие историски филмски минути заслужува да се прикаже во филм.

Новите протагонисти се Ferrari SF90 Stradale, првиот хибриден модел со „кавалино рампанте“, и Моначанецот Леклерк, кој ќе го вози суперспортскиот автомобил. Филмот ќе ја обработува единствената атмосфера што владее на гран-прито, заедно со звукот на Ferrari 275 GTB, кој е заслужен за звучната кулиса на филмот што беше снимен пред близу половина век во Париз.

„Рандевуто“ од 1976 година, филмот што предизвика многу контоверзи по објавувањето


Ти се допаѓа? Сподели со пријателите!

168
22 shares, 168 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *