Дарко Јаконов
„Луѓето што знаат“ го избраа Ferrari за најсилна марка во светот за оваа година. Според влијателното консултантско биро Brand Finance, италијанската марка е посилна од Apple, Google и Disney.
Ferrari е број 1 на ранг листата за оваа година на 500-те најмоќни марки во светот, според консултантското биро Brand Finance. Италијанската марка доби највисоки оцени во подрачјата на желбата за поседување, лојалноста и емоциите кај клиентите, моќниот настап на интернет и задоволството меѓу вработените во компанијата. Како резулат од тоа, Ferrari ја доби највисоката оцена AAA+. Покрај италијанската марка уште десет други компании го добија овој статус, меѓу кои Google, Apple, Disney, Rolex, Coca-Cola и Red Bull F1.
Силни автомобилски марки на списокот Brand Finance Global 500 се и BMW и Porsche, обете со оцена ААА, како и Toyota, General Motors, Ford, Mini и Mercedes-Benz со оцена AAA-. Следни марки што котираат високо се Honda, Nissan, Hyundai, Audi, Chevrolet и Daimler, со оцена АА+. По нив следува групата марки со оцена АА: Renault, Peugeot, Kia Motors, Fiat, Mazda, GMC, Citroen, Lexus и Volvo. На крајот на списокот се марките Subaru (AA-), Suzuki (А+), Dongfeng Motor (A+) и Isuzu (A+).
