128
20 shares, 128 points

Производителот на електрични автомобили Faraday Future ја запре изградбата на фабриката во Невада, поради финансиски потешкотии. Но, оптимизмот останува.

Конкурентот на Tesla сепак нема да гради фабрика во американската сојузна држава Невада. Плановите се стопирани поради финансиските потешкотии на LeEco, кинескиот концерн под чијшто покрив дејствува марката електрични автомобили Faraday Future. Концернот во последните десетина години се разви во глобален моќник преку видео-сервисот во стил на Netflix. Но, сопственикот Јиа Јуетинг западна во финансиски проблеми поради пребрзото ширење на бизнисот во повеќе гранки.

Неуспехот со планираната фабрика во Невада не го наруши оптимизмот во компанијата. Напротив, оттаму изјавија дека префрлувањето на нова локација ќе им овозможи побрза изградба на фабриката и поефикасно спроведување на стратегијата. Ова е вториот голем удар за LeEco во обидот за пробив меѓу големите производители на електрични автомобили.

LeEco беше пречекан како клучен инвеститор за електричниот автомобил на Aston Martin

Кинезите неодамна се повлекоа од заедничкиот проект со Aston Martin. Двете компании требаше заеднички да произведуваат спортски автомобил со електричен погон врз основа на Aston Martin Rapid. Британците сепак се решија самостојно да му пристапат на овој проект. Нивниот RapidE располага со над 1.000 КС и се очекува да се појави во 2019 година.

Entering the Pikes Peak International Hill Climb (Official Site) was just one way we’re stressing the powertrain and…

Posted by Faraday Future on Monday, June 26, 2017

Според првичните планови, фабриката во Невада требаше да стартува кон крајот на годинава, со производствено портфолио од седум различни модели. Подоцна овој број се намали на два.

Студијата Faraday Future FF91 беше меѓу најголемите сензации на ЦЕС во Лас Вегас

Студијата FF91 привлече исклучително внимание кога беше прикажана на саемот за потрошувачка електроника во Лас Вегас, во почетокот од годинава. Со моќност од преку 1.000 КС и над шестотини километри досег, FF уште предвреме почна да ги одмерува силите со „најсилните“ во браншата, почнувајќи од Tesla или Bentley, до Ferrari.

Faraday Future е новата Tesla на автомобилската сцена

Faraday Future тогаш најави можен почеток на производството на автомобилот од следната година. Тоа сепак нема да се случи, барем не наскоро. Кинеската компанија моментно бара алтернативна локација за својата фабрика.

Една милијарда за фабриката во Невада со 13.000 работни места

Планираната фабрика северно од Лас Вегас требаше да чини една милијарда долари и да отвори 13.000 нови работни места. Повеќе од неизвесно е дали FF91 ќе влезе во сериско производство во следната година, како што беше најавено првично. Производителот ќе задржи во своја сопственост поголем дел од плацот на когошто требаше да се гради новата фабрика. Моментно се бара помал плац, првенствено во Невада или Калифорнија, за таму итно да започне изградбата на производствените погони..

Според последните информации, овој неуспех не ги обесхрабри Кинезите. Напротив, во компанијата пристигна Улрих Кранц, главниот инженер за BMW i3 и i8, кој отсега ќе работи на развојот на техниката во автомобилите на Faraday Future. Кранц не е единствениот експерт од BMW кој преоѓа во Faraday. Штефан Краузе, поранешен шеф за финансии во минхенската куќа, од април годинава работи на истата позиција во автомобилската марка на LeEco.


Ти се допаѓа? Сподели со пријателите!

128
20 shares, 128 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730