180
23 shares, 180 points

Возниот парк на Европскиот Парламент се збогати со Toyota Mirai. Лимузината што користи водород како погонско гориво во следните две седмици ќе им стои на располагање на европските парламентарци за возење во поширокото подрачје на Брисел, како и на релација од Брисел до Стразбур.

Целта на Toyota со отстапувањето на Mirai на користење од страна на Парламентот на ЕУ е политиката повеќе да се посвети на возилата што не испуштаат штетни материи, како и на изградба на соодветна мрежа од станици за точење водород.

Постојано расте интересот на јавноста околу технологијата на водородниот погон. Таа може да даде огромен придонес за намалувањето на емисијата на СО2 од сообраќајот и во останатите подрачја, во коишто не може да се примени електрификацијата. Електричните возила со погон со горивни ќелии, какво што е Toyota Mirai, испуштаат само вода и одговараат за интензивно користење и за патување на подолги релации.

Возилото на тест кај парламентарците ќе полни водород на станицата за точење на Air Liquid, којашто е поставена во рамките на техничкиот центар на Toyota во Завентем, во близина на Брисел. За турите до Стразбур ќе се користи мрежата од станици за точење водород на H2 Mobility.


Ти се допаѓа? Сподели со пријателите!

180
23 shares, 180 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *