за

Европски автомобили поскапуваат во Кина поради трговскиот спор со САД

bmw x3 kina

Неколку европски производители на автомобили најавуваат поскапување на своите модели на кинескиот пазар, поради заострувањето на трговскиот спор меѓу САД и Кина

Поради трговскиот спор меѓу САД и Кина, двете најмоќни економии во светот, некои производители на автомобили веќе планираат да ги зголемат цените на пазарот во Народната Република. BMW во петокот соопшти дека ги калкулира „неопходните поскапувања“ за моделите коишто ги произведува во САД и оттаму ги извезува на кинескиот пазар. Во фабриката во Спартанбург, во Јужна Каролина, се произведуваат повеќето моделски серии од теренската гама X на Баварците. Лани од американската фабрика на BMW биле испорачани 100.000 теренски возила за пазарот во Кина.

Претходно реагираше и Daimler, кој им соопшти на своите акционери дека очекува намалување на заработката, како последица од трговскиот спор. Производителот на Mercedes наведе дека зголемените царини во Кина, за автомобили што се произведени во САД, не треба целосно да се префрлат на товар на купувачите.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

совети продадете автомобилот

Топ 10 совети за добро да го продадете автомобилот

ford ranger tour de france

Пикапот на Ford во служба на велосипедистите на Тур де Франс