Љубителите на електричните возила и заинтересираните за чистиот погон можат во среда да присуствуваат на настанот Електромобилност 2.0, во чијшто рамки ќе бидат изложени електрични и хибридни возила, а воедно ќе се споделуваат и искуства од корисниците, вклучувајќи големи македонски компании.
Здружението за промовирање на електрични возила Електромобилност Скопје, во рамки на глобалниот настан „Европска недела на мобилност“ и во координација со Секторот за заштита на животната средина и природата при Град Скопје, го најавува „Електромобилност 2.0“. Настанот ќе се оддржи на 18-ти септември 2019 г. (среда), со почеток во 10 часот, на паркингот веднаш до анекс просториите на Факултетот за електротехника и информациски технологии и Машинскиот факултет – Скопје.
Како и во сите годин и досега, целта на овој настан е преку едукативни активности, учениците од средни и основни училишта и другите присутни да се запознаат со електричните и хибридни возила и со нивното значење за општеството, заштитата на животната средина и намалување на загадувањето.
Изложуваат компании што веќе ги користат електричните возила во своето работно секојдневие, а ќе можат да се слушнат и искуствата од приватни корисници и технички ентузијасти
Реномирани компании, како ЕВН Македонија, Македонски Телеком, ПроКредит Банка, Тојота Авто Центар, Фибернет-МК, Хамачи, Зорин е-возила и други влијателни имиња, ќе ги презентираат своите електрични и хибридни возила и полначи за полнење на електрични автомобили и со посетителите на Електромобилност 2.0 ќе ги споделуваат сопствените искуства со електричниот погон.
Во рамки на настанот, во Салата за состаноци на Факултетот за електротехника и информациски технологии и Машинскиот Факултет – Скопје, ќе се организира и панел дискусија на тема „Електромобилноста во нашата држава“ со почеток во 11.30 часот. Во овој дел од настанот свое излагање ќе имаат г-дин Стефан Богоев – Градоначалник на Општина Карпош, г-дин Никола Наумоски – Шеф на Кабинет на Градоначалникот на Град Скопје, доц. д-р Александар Дединец од МАНУ, г-дин Дарко Јаконов од порталот Аутомедиа и г-дин Оливер Велковски од Здружение за промовирање на електрични возила Електромобилност Скопје.
Електромобилност ги поканува љубителите на новите технологии во мобилноста да се приклучат и да бидат дел од овој настан. Здружението Електромобилност повеќе години наназад работи на воспоставувањето на свеста за електричниот погон во сите општествени сфери и во меѓувреме изгради јавна сцена, којашто од година в година привлекува сé повеќе изложувачи и посетители на овој единствен собир.
Дополнителни информации може да се добијат на следната врска:
https://www.facebook.com/events/497933501062124/
Posted by Elektromobilnost on Monday, July 1, 2019
Настанот ЕЛЕКТРОМОБИЛНОСТ 2.0 кој ќе се оддржи на 18.09.2019 г. со почеток во 10 ч. како дел од низата активности во…
Posted by Elektromobilnost on Saturday, September 14, 2019