145
20 shares, 145 points

Германската престолнина влегува во ерата на електромобилноста со првата нарачка на 15 електрични автобуси во јавниот превоз во градот. Берлин е третиот град што ги нарачува Mercedes-Benz Citaro на батерија уште пред премиерата на автобусот во јули

Огранокот на Mercedes-Benz што е задолжен за товарниот сектор е во поетско расположение. „Ѕвездата свети над германската престолнина“, објавуваат оттаму, откако градот Берлин нарача 15 електрични автобуси Mercedes-Benz Citaro. Наспроти компаниите чиишто електрични товарни возила се уште во фаза на најава, а мислиме на Tesla, Nikola Motors и слични, испораката на електричните автобуси со сребрената ѕвезда ќе следи веќе во првото тримесечје од следната година.

Тоа е веќе трета нарачка што пристига за електричниот Citaro пред неговата премиера во јули, на традиционалното издание на салонот за стопански возила ИАА во Хановер. Во автобусот се вградуваат до десет батериски модули со вкупен капацитет од 243 киловатчасови, коишто се полнат во депото. Задната оска располага со два електромотора што се вградени веднаш покрај тркалата. За зголемување на ефикасноста се применува интелигентен менаџмент со топлинската енергија, слично на топлинска пумпа.

Просторот за патници по ништо не се разликува од верзијата на Citaro со обичен погон. Според стандардите на берлинскиот превозник, кој е воедно и најголем субјект во јавниот превоз во земјата, автобусите имаат високо ниво на опрема. Патниците со ограничена мобилност, на пример, кога седат на место што е спротивно од насоката на возење, добиваат информации од соодветно поставени дисплеи.

Дваесет примероци од електричниот Mercedes Citaro претходно беа нарачани и за градот Хамбург. Првиот германски град што воведе ограничување на сообраќајот за стари дизели планира по 2020 година да го обновува јавниот превоз исклучиво со електрични автобуси.

Во Скопје моментно се тестира Mercedes Citaro со погон на метан и уште еден автобус со електричен погон.


Ти се допаѓа? Сподели со пријателите!

145
20 shares, 145 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743