165
22 shares, 165 points

Не постои салон на автомобили што е сличен со женевскиот. Таму скапите автомобили се поскапи, малечките автомобили се екстравагантни, ексклузивните креации уште поексклузивни. Богатите купуваат директно од штанд, некои автомобили се апсолутни уникати.

Пред публиката на салонот во Женева не може да се настапи со обичен автомобил за секој ден. Во сенката на планинските врвови околу езерото Леман, кои уште долго ќе останат под снежна покривка, автомобилите мораат да бидат необични, спектакуларни, ако ништо друго, барем нека имаат многу коњски сили. Малосериските автомобилски производители ги продаваат своите уникати директно од штанд. Богатите купувачи си избираат по вкус од Bentley, Maybach или Lamborghini и си заминуваат дома со нов автомобил. Толку е „едноставно“.

David Brown Mini Remastered

Mini_Remastered

Mini_Remastered

Од големината на автомобилот не може да се заклучи неговата цена. Тоа што изгледа како Mini, всушност доаѓа од малосериската работилница David Brown. Британците направија нова верзија на оригиналното Mini, со неколку значајни преправки. Подвозјето на Mini Remastered е непроменето, исто како и каросеријата, но техниката е најнова. Фановите на Mini може ќе останат вчудовидени од цената од преку 100.000 евра. Оние што не можат да му одолеат на мини-волшебството, веднаш си нарачуваат примерок за дома.

Pal-V Liberty

PAL-V Liberty

Автомобилите во Женева можат и да летаат. Таков е случајот со холандската фирма Pal-V, којашто не произведува друго освен летечки автомобили. Возачите што не трпат да се возат во метежот околу Женевското Езеро, имаат вистинско решение во летечкиот Liberty. Со жирокоптерот може да се одлета до 500 километри со брзина до 180 km/h. Некои ќе проценат дека цената од 300.000 евра е соодветна за оваа привилегија. Но, холандската фирма прво ќе ги произведе примероците што чинат по половина милион евра, па дури потоа следи „евтината“ верзија.

some impressions from Geneva #gims #gimsswiss #gimsswiss2018

Posted by Mansory Design & Holding on Tuesday, March 6, 2018

Со Bugatti Veyron не може да се привлече многу внимание во Швајцарија, особено откако ексклузивната марка од Алзас го лансираше новиот модел Chiron. Но, можеби постои начин да се дојде во центарот на вниманието. Потребно е само да се заврти телефонскиот број на тјунерската работилница Mansory. Таму се работи исклучиво со најскапи автомобили и со најпрефинети вкусови. Годинава во Женева може да се види последното стилско достигнување на Mansory, а тоа е каросерија обложена со „листови“ од керамика и мермер. На тоа следуваат и дијаманти во логоата напред и назад. Тоа што некои апсолутни непознавачи коментираат на социјалните мрежи дека возилото изгледа „како да го покакале птици“, не ја намалува вредноста на автомобилот. А, таа е астрономска.

McLaren Senna

McLaren Senna

Во вакво опкружување, супер и хиперавтомобилите од ковот на McLaren Senna, Ferrari 488 Pista, Lamborghini Huracan Performante Spyder или Fenyr Supersport изгледаат речиси како нормални автомобили. Rolls-Royce, исто така. Британската традиционална ексклузивна ненадминлива автомобилска куќа донесе три уникати во Женева. Сите три се различни верзии од новиот Phantom, и сите три се изработени на посебен начин. Со тоа, Rolls-Royce уште еднаш му докажува на светот дека буквално не постои желба или барање на клиентот, што тие не можат да ја исполнат. Тоа, секако, подразбира и соодветна цена.


Notice: Undefined index: fag_col_layout in /home/automedi/public_html/wp-content/plugins/flickr-album-gallery/flickr-album-gallery-short-code.php on line 37

Екстравагантните автомобили на салонот во Женева

Flickr Album Gallery Powered By: WP Frank

Летечки автомобил од половина милион евра на салонот во Женева

Кинескиот хиперавтомобил на струја повторно на женевскиот салон

Овие марки може да се сретнат само на салонот во Женева

Четири автомобили со над 1.000 коњски сили на салонот во Женева


Ти се допаѓа? Сподели со пријателите!

165
22 shares, 165 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743