Од фабриката во германскиот град Ахен е испорачан првиот сериски примерок од електричниот автомобил e.GO Life. Новата марка на сцената на електромобилноста го нуди градскиот автомобил веќе за 15.900 евра. Досега се нарачани 3.300 возила, производителот очекува да ги комплетира овие испораки до крајот на годинава.
Германската компанија e.GO Mobile AG започна со испораките на електричниот автомобил e.GO Life од фабриката во Ахен. Подготовките за производство, вклучувајќи ги неколкуте претсерии, стартуваа уште во март. Досега се добиени 3.300 нарачки.
Производителот планира да ги испорача сите досега нарачани примероци до почетокот на следната година. Тогаш ќе стартува и работа во две смени, со цел да се постигне годишна продукција од 15.000 примероци од e.GO Life. За сериското производство го халите 1 и 2 во Ахен моментно се ангажирани повеќе од 150 лица. Персоналот во иднина ќе се зголеми на 450 лица.
https://www.instagram.com/p/BxP0aBhHEHd/
Основач на e.GO Mobile AG е проф. др. Гинтер Шу, директор на лабораторијата за алатни машини на Универзитетот во Ахен. Во развојот на возилото учествуваа искуствата на повеќе од 3.000 научници од сите стручни насоки што се изучуваат на Универзитето, како и од близу 400 технолошки компании што работат во рамките на универзитетскиот камп.
Професор Шу докажа дека со примена на инфраструктура според принципите на Индустрија 4.0, веќе денес може да се произведува евтино и привлечно за потрошувачите. Електричниот e.GO Life е веќе реалност – и ќе биде уште повеќе дел од реалноста.
https://www.instagram.com/p/BxP0yVPHEG0/
Станува збор за компактно возило со простор за 4 патници, коешто е замислено како втор автомобил во семејството или како возило за големи возни паркови. Во почетокот e.GO Life ќе се испоралува со високонапонски електромотор со 60 kW и батерија од 21,5 киловатчасови. Цените за најсилната моделска изведба почнуваат од 19.900 евра.
Кон крајот на годинава ќе бидат достапни и подостапните изведби со мотор со 40 или 20 kW, и соодветно помала батерија, од 17,5 односно 14,5 киловатчасови. Основната изведба Life 20, со мотор со 20 kW, ќе чини 15.900 евра – не вклучувајќи ја масивната државна субвенција во Германија, којашто изнесува 4.000 евра. Тоа значи дека во најдобриот случај, основната изведба на електричниот автомобил ќе биде достапна веќе за 11.900 евра.
Основни технички податоци
e.GO Life 60 |
|
Тежина |
|
Празно возило (EU) |
1210 kg |
Дозволена тежина |
1,600 kg |
Носивост |
390 kg |
Батерија |
|
Вид |
Литиум-јон |
Капацитет |
23.5 kWh |
Напон |
374 V |
Досег (WLTP) |
145 km |
Време за полнење (шуко; 230 V) |
9.8 h |
Време за полнење (Тип 2; DC) |
6.9 h |
Погон |
|
Моќност (Постојана / Крајна) |
32/60 kW |
Перформанси |
|
Крајна брзина |
142 km/h |
Патно темпо |
130 km/h |
Забрзување 0-50 km/h |
3.4 sec |
Потрошувачка |
|
на100 km (WLTP) |
16.2 kWh |
Димензии |
|
Должина |
3,348 mm |
Ширина |
1,748 mm |
Висина |
1,581 mm |
Меѓуоскино раст. |
2,200 mm |
Друго |
|
Круг на вртење |
9.8 m |
Седишта |
4 |
Цена |
Од € 19,900 |
Електромобил од 16.000 евра претставен на Cebit
Електромобил за 16.000 евра стартува со производство во Германија