126
17 shares, 126 points

Глобалниот моќник со коцки за составување очигледно доби одличен одговор од пазарот, по лансирањето на легендата Harley-Davidson Fat Boy, во верзија што ја собира во регал. Ducati Panigale V4 R е следниот светски ценет мотоцикл во серијата Technic на Lego.

Смалената и коцкеста верзија на мотоциклот што оригинално располага со 220 КС, се состои од 646 делови. Суперспортскиот мотоцикл во верзија на Lego е долг 32 сантиметри, висок 16 и широк осум сантиметри.

Panigale е првиот мотоцикл од Lego-Technic што поседува функционален двостепен менувач. Копијата на моторот V4 исто така поседува делови што ротираат. Специјалистот за светот на коцките ветува дека управувањето и водењето на тркалата дозволуваат неколку основни возачки маневри.

Ducati во верзија на Lego е наменет за градители над 10 годишна возраст и ќе биде понуден во продажната мрежа на Ducati и во продавниците за Lego од 1-ви јуни. Секако стои на располагање и можност за нарачка преку онлајн-продавницата на Lego. Цената што е наведена на словенската страница вели 64,99 евра.

До страницата за Ducati Panigale на Lego Technic

https://www.lego.com/en-si/product/ducati-panigale-v4-r-42107


Ти се допаѓа? Сподели со пријателите!

126
17 shares, 126 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *