158
23 shares, 158 points

Donkervoort веќе четириесет години ја негува традицијата на производство на чистокрвни и ултралесни спортски автомобили. Целта секогаш е иста: Да се изработи автомобил што ќе понуди врвни перформанси и возни својства, а соодветно на тоа и врвно возачко уживање.

Холандскиот производител викендов ја одбележа 40-годишнината. По тој повод беше преставен и јубилејниот модел Donkervoort D8 GTO-40. На 1-ви јули 1978 година, тогаш 28-годишниот Јоп Донкерворт го стартуваше моторот на првиот модел на Donkervoort, на S7.

Четириесет години подоцна Donkervoort уште го привлекува сето внимание на сцената, во ерата на електричните и роботизираните автомобили со големи дисплеи од коишто може да се нарача дури и испорака на пица во возилото

По првиот S7 следеа бројни модели, меѓу кои и славниот D10. Пред три децении, овој модел стана светски рекордер во забрзување. Моделите S8 и D8 добија и тркачка серија во којашто учествуваат возачи од цел свет. Купот на Donkervoort се одржува веќе цела деценија. Врв во серијата е моделот D8 со 270 КС, кој двапати поставуваше рекорд на Нирбургринг. Фановите на марката уште се сеќаваат на победата на затворената моделска верзија D8 GT на 24-часовниот маратон во Дубаи во 2011 година.

Петцилиндарски 2.5 TFSI со 415 КС се соочува со 678 килограми

Во чест на јубилејот пристига D8 GTO-40, којшто ја воспоставува врската меѓу возачот и автомобилот во досега најчистата форма. Многу е постигнато во смалувањето на тежината, којашто и без тоа не е проблем за возилата на Donkervoort.

Масивно е користена сопствената технологија на изработка на карбонски елементи Ex-Core. Оваа технологија неодамна беше номинирана за ЕУ-донациите за напредни материјали.

Основата на D8 GTO-40 е цевната рамка. Во соработка со инженерите на Tata Steel е развиена шасија, којашто е покрута за 15 проценти, а воедно е олеснета во споредба со стандардниот модел. Во намалувањето на тежината учествуваат и издувот од титан и литиум-јонскиот акумулатор.

Donkervoort повеќе е тркачки костум отколку автомобил

Карбонот на бандажите не е само за „украс“. По нарачка, Холанѓаните ќе ги вградат уникатните и ултралесни бандажи од карбон. По соодветна цена, исто така. Како резултат од сите одделни мери, D8 GTO-40 е за 22 килограми полесен во споредба со верзијата на D8 GTO од 2011 година.

Во тоа што само условно може да се нарече каросерија, додадени се неколку елементи за зголемување на потисокот и подобрување на аеродинамичкиот баланс. За моторот и сопирачките е обезбедено дополнително ладење, преку канали за воздух напред и во задните крила.

Секако дека во Donkervoort можат да одговорат на сите барања на клиентот, сепак станува збор за малосериска, рачна продукција. За јубилејниот D8 GTO-40 се потребни 159.600 евра, не вклучувајќи даноци. Серијата ќе се изработи во само 40 примероци. Повеќе од половината е веќе резервирана.


Notice: Undefined index: fag_col_layout in /home/automedi/public_html/wp-content/plugins/flickr-album-gallery/flickr-album-gallery-short-code.php on line 37

Donkervoort D8 GTO-40

Flickr Album Gallery Powered By: WP Frank

 

Во 14 примероци, супербрз и суперскап: Donkervoort D8 GTO Bilster Berg…

Caterham Seven: 30.000 евра за пет секунди од 0-100 km/h

Во овој клуб на Менхетен сите сакаат да членуваат

Lotus Exige Cup 430 во нелимитирано издание

Elise Cup 250 е најбрзиот четирицилиндарски Lotus во историјата

 


Ти се допаѓа? Сподели со пријателите!

158
23 shares, 158 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743