Домашната испорака стана мошне барана услуга, откако во бројни држави ширум светот беше ограничено движењето, поради пандемијата. Но, тоа повлече во исто време да се развива уште еден пазар, користењето на електрични товарни велосипеди.
Корона-кризата предизвика забавување на глобалната економија. Голем број бизниси се погодени во помала или поголема мера, а фирмите станаа многу повнимателни кога треба да се вложува во проширувањето или освежувањето на бизнисот. Првенствено се бараат решенија за скусување на оперативните трошоци. Една од услугите за коишто на целата јавност ѝ е јасно дека бележи голема експанзија е домашната испорака.
Тоа е подрачјето за коешто буквално се измислени електричните велосипеди, особено ако се имаат предвид драстично намалените оперативни трошоци. Возењето на струја е повеќекратно поевтино отколку на бензин, без разлика што и неговата цена падна драстично. Товарните електрични велосипеди се клучната алка во спрегата меѓу онлајн-нарачката и доставата на истата до домашниот праг.
Малите бизниси постигнуваат одличен имиџ преку услугата за домашна достава
Во почетокот на месецов, лондонската компанија за велосипедски превоз на патници и товар Pedal Me, стартуваше и со услугата на домашна испорака. Бројни мали бизниси, пекарници, кафетерии, месарници, трговци со алкохолни пијалоци или деликатеси, ја искористија шансата и преку рекламирањето на својата понуда, ја рекламираат и услугата на Pedal Me.
Twitter, we are trialing a fruit and veg box delivery service. They're standard 50 piece boxes that contain a mixture of fruits and veg. The boxes are £22 delivered to your home by us and it will be next day delivery. https://t.co/Jh1LJz2jtF pic.twitter.com/Xw1Rh0FWYf
— Pedal Me (@pedalmeapp) April 22, 2020
Електромоторот го олеснува вртењето на педалите, што дозволува да се возат и подолги тури и почести тури. Покрај тоа, просечната брзина на електричните велосипеди е за околу 50% повисока во споредба со обичните велосипеди. Поаѓањето исто така е полесно, што секако дека претставува напор и води до замор. Полесно е и по нагорнини, може да се превезува потежок товар, полесно да се совладува отпорот на ветрот.
Пазарните аналитичари ценат дека во периодот од 2020 до 2023 година ќе се продадат 130 милиони електрични велосипеди ширум светот.
We're frantically training up staff to ride our trailers now we've received two more big uns and have asked for work to start on another three. They're handy beasts! pic.twitter.com/12LLwuKZxI
— Pedal Me (@pedalmeapp) March 27, 2020