160
21 shares, 160 points

Помалку од една третина од новите возила продадени на европскиот пазар во јули имале дизел мотор. Дизелот продолжува да паѓа, на сметка на растот на продажбата на хибридните и електричните возила.

Според последната официјална статистика, на европскиот пазар во јули се продале 1,33 милион нови патнички автомобили, што е најдобар резултат за овој месец по јули 2007 година. Во споредба со лани, продажбата забележила раст од 1,2 процент, меѓутоа вкупната продажба од почетокот на годината до јули е смалена за 2,5 проценти, наспроти истиот период лани.

Поголеми промени се случуваат во соодносот меѓу одделните видови на погон. Електричните, плагин хибридните и хибридните возила во летниот месец постигнале 96.600 продажби. Тоа е за 29% повеќе од ланскиот јули. Соодветно пораснал и нивното учество во вкупната продажба, од 5,8% лани, на 7,4 проценти во минатиов јули. Големиот раст во продажбата на возилата со електрична или електрифицирана погонска спрега се покажува и како главен тренд на европскиот пазар, и воопшто, во браншата.

Само во јули се продадени повеќе од 20.000 возила со електричен погон; Хибридните и натаму доминираат во овој сегмент, со близу 60.000 продажби

Резултатот доаѓа во најголем дел од високиот интерес за електрични возила, чијашто продажба буквално скокнала за 98 проценти, на 23.200 возила. Најмногу пораснала продажбата на Tesla, којашто е најпродавана „електрична“ марка, но и од Renault, чијшто модел Zoe стана најпродаван модел со погон на струја во јули и придонесе марката да постигне раст од 103 проценти. Напредувала и продажбата на Volkswagen со раст од 64%, исто како и на Hyundai (+334%) и Audi, кој во јули продал 1.735 примероци од E-Tron.

Сооднос во продажба меѓу одделни видови на погонско гориво и видови погон на 20-те најголеми пазари во Европа во месец јули 2019 година

Стабилно се одвива и продажбата на возилата со хибриден погон, при што „стабилно“, се однесува на задржувањето на растот во продажбата. Во јули на европскиот пазар се продадени 56.800 возила со хибриден погон, за 27% повеќе отколку во ланскиот јули. Традиционално, продажбата во овој сегмент отпаѓа главно на Toyota и Lexus, меѓутоа добри резултати покажува и Mercedes, на третото место, како и Land Rover, чијшто нов Evoque стана 5-ти најпродаван „хибрид“ во јули.

Топ 5 Најпродавани модели со хибриден погон во јули 2019

Toyota Corolla

12.455

Toyota C-HR

8.250

Toyota Yaris

7.165

Toyota RAV4

6.135

Land Rover Evoque

2.919

Топ 5 Најпродавани модели со плагин-хибриден погон во јули 2019

Mitsubishi Outlander

2.405

Kia Niro

1.057

BMW 2 Active Tourer

1.031

Mercedes E-Class

895

Mini Countryman

874

Топ 5 Најпродавани модели со електричен погон во јули 2019

Renault Zoe

3.789

Tesla Model 3

3.154

Nissan Leaf

2.722

VW Golf

2.295

BMW i3

2.203

Хибридна тура со Toyota Corolla: Со 30 литри бензин низ цела Македонија (Дел 1)

Хибридна тура со Toyota Corolla: Со 30 литри бензин низ цела Македонија (Дел 2)


Ти се допаѓа? Сподели со пријателите!

160
21 shares, 160 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *