143
27 shares, 143 points

Спојка, алтернатор, брегасто вратило, инјектори за гориво. Сите имаат слушнато за овие зборови. Но, дали навистина знаете како тие изгледаат и како работат?

Под хаубата на автомобилот се крие свет од интересни уреди и делови, изработени од челик, алуминиум и други материјали, кои инженерите ги усовршуваат повеќе од еден век. Современите електронски системи овозможуваат денешните возила да поседувваат својства кои не биле достапни пред една или повеќе децении. Но, техничката основа на моторите со внатрешно согорување не е сменета многу. Моторите уште ги имаат истите компоненти, иако тие стануваа сé поефикасни и пософистицирани со текот на годините. Секој автомобилски ентузијаст ги знае имињата на деловите, но ретко има можност да ги погледне и да се присети на нивната функција.

skoda-tsi-engine

Skoda Fabia неодамна го комплетираше супертестот на 100.000 километри на германскиот магазин Auto Bild. Независни експерти по маратонот ги расклопуваат возилата до најситниот дел и оценуваат, како и дали воопшто, стоте илјади километри влијаеле врз техниката на возилото. Чешката марка ни ја нуди оваа единствена можност да ги погледнеме деловите по супертестот. Секако дека тестираната Skoda Fabia Combi 1.2 TSI со менувач DSG го мина тестирањето беспрекорно.

Контролна единица на моторот

skoda-fabia-engine-control-unit.JPG

Оваа малечка кутија е всушност мозокот на моторот. Компјутерот во неа собира голем обем податоци од сензорите во моторот, во вшмукувачкиот и во издувниот тракт, со цел да ја контролира работата на моторот. За мотори со турбонатполнење, контролната единица е особено важна за моторот и турбополначот да работат оптимално. Без контролната единица, моторот не може ниту да стартува.

Турбополнач

skoda-fabia-turbocharger.JPG

Буквата T во ознаката TSI укажува на постоењето на турбонатполнење (целосното толкување на кратенката е Turbocharged Stratified Injection). Издувните гасови предизвикуваат ротирање на турбината. Самата турбина се наоѓа на исто вратило, односно споена е со компресорскиот дел, кој преку своето ротирање ја зголемува количината на воздух што влегува во моторот. Тоа води кон зголемување на моќноста на моторот. Турбополначот е изложен на исклучителни оптоварувања и бара совршено подмачкување и ладење. Работната брзина на вратилото надминува 100.000 вртежи во минута.

Спојка

skoda-fabia-clutch.JPG

Спојката е мошне важен дел, затоа што го спојува моторот (и го развојува) со преносниот механизам, односно менувачот. Иако таа секојдневно е изложена на големи сили, при грижливо постапување може да издржи стотици илјади километри. Спојката кај моторот 1.2 TSI има пречник од околу 25 сантиметри.

Менувач

skoda-fabia-transmission-gears.JPG

Запчениците во автоматскиот менувач DSG се врвна уметност на механиката. Сите парови запченици имаат посебен чекор и агол, но совршено си одговараат и овозможуваат молскавично префрлување на степените.

Алтернатор

skoda-fabia-alternator.JPG

Кога стартува моторот, се користи енергијата од акумулаторот. Во сите други случаи, алтернаторот е главниот извор на електрична енергија во автомобилот. Исто како компресорот за клима-уредот, алтернаторот е во спој со V-ременот и добива погон од моторот. Тој постојано ги снабдува електричните потрошувачи и го полни акумулаторот во текот на возењето.

Стартер

skoda-fabia-starter.JPG

Стартер или анласер (од германски „Anlasser“, кај нас одомаќено како алансер) е малечок, но доволно моќен електромотор, којшто го придвижува моторот до „палењето“. Откако системите старт-стоп станаа стандард, стартерите станаа поиздржливи и не се толку чувствителни како порано. Како што ќе напредува електрификацијата на погонската спрега (благи хибриди и сл.), стартерите ќе стануваат сé позначајни.

Куќиште и филтер за воздух

skoda-fabia-intake-air-filter.JPG

На моторите со внатрешно согорување им е потребен чист воздух, а тоа бара филтер за воздух со висок квалитет. Филтерот ги задржува сите физички нечистотии од воздухот што се вовлекува, но во исто време обезбедува правилна пропустливост. Тој не смее да го задушува моторот, затоа што на тој начин ќе се смали моќноста.

Ладилник

skoda-fabia-radiator.JPG

Ладилникот се наоѓа веднаш зад предната маска. Во него струи течноста за ладење на моторот, а во долниот дел се наоѓа и ладилник за воздухот што се компримира по вшмукувањето – кусо, интеркулер. Големината на ладилникот за моторот е точно пресметана според интензитетот на ладење што му е потребен на моторот.

►Во следниот дел механизам за бришачи, амортизери, модул на педали, издувна цевка со компензатор и катализатор, воздушна перница, полуоски, компресор за клима-уред.

Можете да ги препознаете овие делови? (Прв дел)


Ти се допаѓа? Сподели со пријателите!

143
27 shares, 143 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743