125
22 shares, 125 points

Спојка, алтернатор, брегасто вратило, инјектори за гориво. Сите имаат слушнато за овие зборови. Но, дали навистина знаете како тие изгледаат и како работат?

Под хаубата на автомобилот се крие свет од интересни уреди и делови, изработени од челик, алуминиум и други материјали, кои инженерите ги усовршуваат повеќе од еден век. Современите електронски системи овозможуваат денешните возила да поседувваат својства кои не биле достапни пред една или повеќе децении. Но, техничката основа на моторите со внатрешно согорување не е сменета многу. Моторите уште ги имаат истите компоненти, иако тие стануваа сé поефикасни и пософистицирани со текот на годините. Секој автомобилски ентузијаст ги знае имињата на деловите, но ретко има можност да ги погледне и да се присети на нивната функција.

Skoda Fabia неодамна го комплетираше супертестот на 100.000 километри на германскиот магазин Auto Bild. Независни експерти по маратонот ги расклопуваат возилата до најситниот дел и оценуваат, како и дали воопшто, стоте илјади километри влијаеле врз техниката на возилото. Чешката марка ни ја нуди оваа единствена можност да ги погледнеме деловите по супертестот. Секако дека тестираната Skoda Fabia Combi 1.2 TSI со менувач DSG го мина тестирањето беспрекорно.

Коленасто вратило

Delovi na motor - Skoda Fabia AB stest100_11

Очигледно е зошто овој најсуштински дел од моторот се нарекува коленасто вратило. Секој агол е пресметан до милиметар, поточно до стоти дел од милиметарот. Тоа се наоѓа долу во моторот и има задача да го претвори вертикалното движење на клиповите во сопствено кружно движење, коешто понатаму преку преносот и погонските оски се пренесува на тркалата. Потемните делови се балансирачки контратегови, коишто служат за смирување на работата на моторот.

Глава на мотор и капак на вентили

Delovi na motor - Skoda Fabia AB stest100_14

Овие два дела се нераздвојни. На фотографијата, главата на моторот е лево, капакот на вентилите (често се нарекува и декла, од германскиот „Deckel“) е десно. Највоопштено, тие може да се опишат како делови што го затвораат моторот, додека горивото, воздухот и издувните гасови циркулираат оздола. Многу суштински делови се наоѓаат во главата на моторот, како што се вентилите, инјекторите за гориво, вшмукувачките и издувните канали, коморите за согорување…

Глава на мотор

Delovi na motor - Skoda Fabia AB stest100_13

На оваа фотографија е прикажана главата на моторот од друг агол. Таа е прицврстена на блокот на моторот и ги содржи коморите за согорување и вентилите. Моторот 1.2 TSI има четири вентили по цилиндар и по два вшмукувачки и издувни канали.

Капак на вентили

Delovi na motor - Skoda Fabia AB stest100_18

Брегастите вратила се наоѓаат под капакот на вентилите и точно раководат со отворањето и затворањето на вшмукувачките и издувните вентили, со цел да се постигне највисока ефикасност, во согласност со контролната електроника на моторот. Во капакот на вентилите се наоѓа отворот за долевање моторно масло.

Блок на мотор

Delovi na motor - Skoda Fabia AB stest100_12

Со своите 19,5 килограми во случај на 1.2 TSI, ова е еден од најтешките делови во возилото. Блокот мора да биде исклучително круг и издржлив, бидејќи во него се случува процесот на согорување, односно безброј мали и контролирани експлозии. Овој блок конкретно е изработен од комбинација од сив лив и алуминиумска легура.

Сад за масло

Delovi na motor - Skoda Fabia AB stest100_16

Садот за масло (или картер) е резервоар за моторното масло. Тој е прицврстен под блокот на моторот и содржи неколку важни делови: Светлосивиот цилиндар е филтерот за масло, сензорски модул ја надгледува количината и квалитетот на моторното масло, а тука се наоѓа и завртката за испуштање на маслото.

Клип и вентили

Delovi na motor - Skoda Fabia AB stest100_17

Движењето на клиповите во блокот на моторот е тоа што го движи автомобилот. Клиповите се изработени од алуминиумска легура и секој се состои од 14 делови, вклучувајќи ја и клипницата што ги поврзува клипот со коленастото вратило. Во 1.2 TSI има четири вентили по цилиндар – по два вшмукувачки и два издувни вентили.

Инјектори за гориво

Delovi na motor - Skoda Fabia AB stest100_19

Инјекторите за гориво го впрскуваат горивото директно во цилиндрите. Тие работат под висок притисок и располагаат со вкупно шест отвори, кои рамномерно го распрскуваат горивото во комората за согорување. Тоа е важно за постигнување оптимална ефикасност на согорувањето, а со тоа и за потрошувачката на гориво и чистотата на издувните гасови.

► Во следниот дел: Контролна единица на мотор, турбополнач, спојка, преносен механизам (менувач), алернатор, анласер (стартер), филтер за воздух за мотор, ладилник

Ова се шампионите на супертестот на 100.000 km на Auto Bild

Kia Sportage мина супертест од 100.000 километри без ниту еден дефект


Ти се допаѓа? Сподели со пријателите!

125
22 shares, 125 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743