125
17 shares, 125 points

Шпедицијата DB Schenker разви камион кој вози со автопилот. Погонот на струја се подразбира. Пробите ќе започнат уште месецов, камионот без кабина ќе биде прикажан и на јунскиот саем за транспортната бранша во Минхен.

Шпедитерската компанија DB Schenker разви автопилотиран камион со електричен погон, во соработка со шведскиот стартап Einride. Под името T-Pod, ова е прво возило од ваков вид што има добиено хомологација за учество во редовен транспорт. Во текот на мај ќе започнат и пробните возења по неколку избрани јавни патишта.

T-Pod досега се тестираше во шведскиот Јонкопинг, кадешто сообраќаше до и од еден магацин, управуван само од автопилот. Целта е камионот да се пушти во секојдневна примена, да сообраќа меѓу терминал на Schenker и магацин, при што ќе бидат вклучени и неколку стотини метри возење по јавен пат.

Возачката кабина отсуствува, затоа што возењето го надгледува стручно лице од станица во Гетеборг, коешто оттаму може да ги преземе сите команди. Брзината засега е ограничена на 5 km/h, за по потреба да може во секое време да се запре. T-Pod може да се натовари со 15 европалети, а теоретски може да постигне 80 km/h. Со полна батерија се постигнува досег до 200 километри.

DB Schenker и Einride ќе го претстават T-Pod на саемот за транспортна логистика, кој се одржува во Минхен меѓу 4-ти и 7-ми јуни.


Ти се допаѓа? Сподели со пријателите!

125
17 shares, 125 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *