157
27 shares, 157 points

Datsun преку социјалните мрежи ги праша Русите, каков автомобил сакаат тие. Резултатот е автомобил што е наменет за активности во природа, а најчесто рибарење

Datsun е на добар пат да го создаде совршениот автомобил за Русите. Врз база на моделот Datsun Do, алијас Lada Granta, изработена е специјална верзија на Datsun mi-DO, како студија на автомобил за луѓе што сакаат активности во природа, а особено рибарење.

Преку овој проект, марката на Nissan за пазарите што се почувствителни на цените на „големите“ марки, покажува дека е посветена на предизвикот да понуди автомобил скроен точно според потребите. За таа цел се користат социјалните мрежи, за иновативен и експериментален пристап.

Близу една третина од анкетираните Руси патуваат со автомобил заради рибарење

Datsun mi-DO е резултат од анкетата што во почетокот на годинава беше спроведена на социјалните канали на марката. Анкетата покажа дека 58% од Русите патуваат со автомобил заради хоби, додека 27,2% наведоа дека го прават тоа заради рибарење.

Од испитаниците беше побарано да ја наведат опремата што ја посакуваат за долги патувања и за активен живот во природа. Соодветно на тоа, Datsun mi-DO доби неколку преправки на каросеријата и во кабината, за малечката, но изржлива комбилимузина да служи подобро при кампување и рибарење.

Нема потреба од задна клупа, таму е местото за шатор, секира, гумени чизми

Монтирани се поголеми бандажи, со што клиренсот се зголеми на 180 милиметри, а под моторот, менувачот и резервоарот се поставени алуминиумски плочи со дебелина од 4 милиметри, заради заштита. На покривот има дополнителни рефлектори, а каросерискиот лак е отпорен на гребаници и има уникатна „природна“ шара.

datsun mi-do studija 1

Вториот ред седишта е отстранет, заради добивање простор за сместување на шаторот, полските столици и маса, гумените чизми, лопатата, секирата. Секако дека има и кафемат, како и 20-литарски ладилник.

Во багажникот има дополнителни светла, за попрегледно пакување на опремата ноќе. Уникатот ќе се појави како салонски експонат и веројатно нема да доживее верзија за сериско производство. Datsun повеќе сака да го дознае духот на купувачите, за своите идни модели. Datsun Do е рестилизирана изведба на Lada Granta.


Ти се допаѓа? Сподели со пријателите!

157
27 shares, 157 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *