150
20 shares, 150 points

Daimler потпиша договор со BMW за долгорочна соработка во технологијата за автопилотирано возење. Се очекува новите системи да достигнат сериска зрелост по 2024 година.

Производителите на премиум автомобили Daimler и BMW го потпишаа претходно најавеното партнерство во развојот на технологија за автономно возење. Целта е системите за асистенција, автоматизираното возење по автопат и автоматизираното паркирање да се развиваат заеднички до „Level 4“ – тоа е највисокото ниво на автопилотирано возење, во коешто нема потреба од возач.

Производителите на автомобили доцнат во автономното возење. Таму се главни софтверските концерни, како Waymo, Mobileye или Apple. Поради тоа, автомобилските концерни мораат да се здружуваат на ова поле.

Можно е соработката во иднина да прерасне во заедничка платформа за автоматизирано возење. Отворен е пристапот за други партнери, а останатите производители ќе можат под лиценца да ја преземаат техниката.

Технологијата ќе стои на располагање за возилата на Mercedes и BMW по 2024 година. Партнерството вклучува 1.200 експерти од обете претпријатија, кои најчесто ќе работат во мешани тимови. Тие ќе развиваат неколку степени на системи за асистенција, вклучувајќи сензори. Податоците ќе бидат опфатени во заеднички компјутерски центар, кадешто ќе се програмира и потребниот софтвер.


Ти се допаѓа? Сподели со пријателите!

150
20 shares, 150 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *