137
18 shares, 137 points

Renault и групацијата Cocharis започнуваат партнерство за производство и дистрибуција на возила на Dacia во Нигерија.

Во фабриката на групацијата Cocharis во Нигерија уште во октомври годинава ќе започне монтажата на Dacia Logan и Dacia Duster. Како што е вообичаено во рамките на француската групацијата, двата модели на Dacia таму ќе го носат знакот на Renault. Матичната марка на француската групација е лидер на пазарот на автомобили во Африка, со удел од 18 проценти.

Заедно со локално произведуваните Logan и Duster, на нигерските возачи ќе им бидат достапни и минито Renault Kwid и пикапот Oroch, кои ќе се увезуваат од Бразил. Четирите модели ќе се нудат во продажната мрежа во Нигерија.

Со повеќе од 200 милиони население, Нигерија е од стратешко значење за планираното проширување на групацијата Renault во Африка. Лани, Французите продале повеќе од 216.000 возила на континентот. Најголема продажба се постигнува во Мароко, Алжир, Јужна Африка и Египет.


Ти се допаѓа? Сподели со пријателите!

137
18 shares, 137 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *