Британскиот огранок на Dacia го постигна најдобриот прв квартал во историјата со 10.926 продадени возила. Во споредба со истиот период лани, растот изнесува 52%. Романската марка напредува во услови кога целиот британски пазар се движи надолу.
Расте популарноста на Dacia меѓу возачките и возачите во Велика Британија. Во шестата година по стартот на тамошниот пазар, романската марка го постигнува најдобриот прв квартал во историјата. Меѓу јануари и март се продадени 10.926 возила или за 52% повеќе од истиот период лани.
Само во март е постигната продажба на 7.443 возила, што е +86% во споредба со март 2018. Голем удел во новиот продажен бум има пристигањето на новата генерација на Duster во втората половина од 2018 година. Тој е моментно четврти најпродаван СУВ-модел во компакт класата во Велика Британија.
Откако марката пристигна во Обединетото Кралство во 2013 година, Dacia има продадено повеќе од 140.000 возила. Моделите на романската марка редовно освојуваат и вредни титули од реномираните институции во земјата.
Volkswagen и Renault водечки, Dacia и Mitsubishi со најголем раст во Европа
Шампион во сенка: Dacia Dokker на автогас и со „попуст“ во серија
Dacia во Германија продаде за четвртина повеќе возила
Првиот автомобил на Dacia се појави пред 50 години