Дарко Јаконов
По само неколку недели од светската премиера на електричниот пикап на Tesla, по патиштата во Русија веќе вози негова копија. За разлика од оригиналот, московскиот „пикап од иднината“ користи проверена техника од Lada 2109, односно Samara.
Автомобилска Русија е земја на милиони снимки од камерите што масовно ги вградуваат руските возачи и на сообраќајни сценарија какви што светот дотогаш не можеше ниту да замисли. Но, светот честопати сведочи и за најнеобични автомобилски креации и експерименти што возат по тамошните патишта. Најновата таква креација беше забележана во Москва и станува збор за руска верзија на Tesla Cybertruck.
Во повеќе детали има груби отстапувања од оригиналот за когошто дозна целиот свет, во голема мера благодарение на необичниот изглед. Токму таа футуристичка форма на пикапот на батерии инспирираше еден мошне популарен тим од гаражни мајстори „Пушка Гараж“ во изработката на нивна верзија на Cybertruck.
Руските „конструктори“ на сајбер-пикапот оставија прво снимките од нивното возење низ Москва да ги освојат социјалните мрежи, па потоа го објавија своето 45-минутно видео
Рускиот пикап не вози на струја, но затоа вози со најпроверена и најсигурна техника од Lada 2109, односно Samara. Предизвикот беше од автомобилот да се изработи копија на Tesla Cybertruck во рок од 24 часови и со ограничен буџет од 30.000 рубли за преправката. Целиот рој проект се одвиваше во „маалска“ гаража, без какви било претходни планови и CAD-мајстории, туку спонтано, со метро и калкулатор.
Возачи во САД се забавуваат со дизелски чад, Tesla омилена мета
