Кросоверот со оригинално име е конечна потврда дека француската марка се враќа таму каде што отсекогаш ѝ било местото, надвор од воспоставените стандарди. Уште е подобро тоа што цените остануваат по старо.
Понудата од погонски единици во гамата на кросоверот C4 Cactus се состои од три мотори: 1,2-литарски трицилиндарец во верзии со моќност со 75 и 82 КС, и 1,6-литарски HDi со моќност од 92 КС, кој се нуди исклучиво во комбинација со микро хибрид и роботизиран менувач со шест степени. Посилниот бензинец исто така може да се добие со микро хибрид, како што Citroen го нарекува напредниот систем старт-стоп, исто така во комбинација со роботизиран менувач, со пет степени. Кон крајот на годината следува и бензинскиот e-THP со 110 КС.
Ценовникот почнува со C4 Cactus VTi 75,со ниво на опрема Start, за 13.950 евра. Единствено овој модел е достапен со моторот со 75 КС и со основното ниво, кое вклучува електрика на предни прозорци и на ретровизори, висинско местење на возачко седиште, контрола на стабилност, 6 воздушни перници, контрола на притисок во гуми, темпомат, радио со команди на волан, средишен дисплеј од 7 инчи и приклучок USB.
Клима уредот е достапен како опција во нивото Live, каде што дополнително следуваат и поголеми челични бандажи од 16 инчи. Цената на Live со бензинец со 82 КС е 15.200 евра. Комплетна опрема се добива веќе во нивото Feel. Дополнително од Live следуваат клима уред, магленки со осветлување во свијоци, кожа на волан, надворешни ретровизори и детали од каросерија во сјајна црна боја и пристап на интернет.
Врвно ниво е Shine, дополнително опремено со автоматика на светла и бришачи, камера за рикверц, собирање на ретровизори, електрика на задни прозорци, дополнително затемнети задни стакла и навигација. CactusVTi 82 со ова ниво на опрема чини 19.700 евра на францускиот пазар. Во почетокот на комерцијализацијата на моделот се достапни и специјалните нивоа Feel Edition, Shine Edition и Business, со неколку дополнителни ставки во опремата и стилот. Стартот на продажбата и цените за македонскиот пазар уште не се објавени од страна на увозникот.
Цени на Citroen C4 Cactus на францускиот пазар:
(цени во евра)
VTi 75 Start 13950
VTi 82 Live 15200
VTi 82 Feel 17800
e-VTi 82 Feel 18700
VTi 82 Feel Edition 17600
e-VTi 82 Feel Edition 18500
VTi 82 Shine 19700
e-VTi 82 Shine 20600
VTi 82 Shine Edition 20470
e-VTi 82 Shine Edition 21370
e-HDi 92 Feel 21400
e-HDi 92 Shine 23300