126
17 shares, 126 points

Актуелниот модел од средната класа C5 ќе биде последен автомобил со хидропневматска суспензија во понудата на Citroen. Шефицата Линда Џексон ќе ја замени традицијата за посовремено технолошко решение.

Citroen во иднина нема да нуди модел со хидропневматска суспензија, технологијата којашто на француската марка и обезбеди важно место во автомобилската историја и врежана е во имиџот на марката повеќе од каква било друга технологија. Во замена за хидропневматиката ќе се користат нови технологии, коишто ќе обезбедат комфорно возење, својствено за големите модели на Citroen. Тоа официјално го потврди шефицата на француската марка, Линда Џексон.

Засега не се објавуваат детали околу „новата“ технологија во подвозјето. Откажувањето од хидропневматската суспензија е само следна во мноштвото мери кои имаат за цел да ги намалат трошоците за развој на нови модели и производство во PSA Peugeot Citroen, наложени од првиот човек на концернот, Карлос Таварес.

Традицијата датира уште од легендарната „божица“ од 1950-те години

Примената на систем за амортизација со сфери полни со азот, коишто омекнуваат и стврднуваат под дејство на хидраулична течност, заменувајќи ги конвенционалните навојни пружини, имаат повеќедецениска традиција во моделите од повисоките класи на Citroen. Токму овој систем му обезбеди важно место во автомобилската историја на легендарниот модел Citroen DS од 1955 година. Актуелниот модел од средната класа C5 користи компјутерски регулирана верзија на хидропневматската суспензија во поскапите изведби.

066775.img

C5 ќе биде последен модел на Citroen со хидропневматика. Џексон неодамна најави дека се подготвува наследник на моделот, но не го прецизираше датумот на почетокот на продажбата. Шефицата само потврди дека моделот ќе се продава на кинескиот пазар, кадешто има голем интерес за локално произведените примероци од моделот од средната класа, наспроти европскиот пазар, кадешто C5 има само маргинална улога. Сосема е веројатно идниот модел од средната класа воопшто да не се продава во Европа, односно неговото место да го пополни соодветен модел од „новата“ марка DS.

Според Џексон, „хидрауличната суспензија заминува во пензија поради тоа што е застарена технологија.“ Идните модели на Citroen ќе користат нова технологија, што ќе понуди споредливо ниво на комфор со хидропневматиката. „Новата“ технологија е веќе вообичаена во браншата. Со притискање копче може да се избира помека или потврда амортизација, поостра или поблага реакција на моторот при притискање на педалот за гас, подиректно чувство во управувачот … Тоа е поевтина технологија, но не е толку „евтина“ колку убеденоста да се уништи хидропневматиката.


Ти се допаѓа? Сподели со пријателите!

126
17 shares, 126 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743