Дарко Јаконов
По повеќе од една година откако ги произведе првите возила заради тестирање на технологијата на автономно возење, General Motors сега го најавува стартот на сериското производство на Chevrolet Cruise AV.
Chevrolet Cruise AV ќе стартува со продажба во 2019 година, како прв автомобил од концернот General Motors што од старт е развиван како автономно возило. Возач, волан, педали и рачни команди се непотребни.
General Motors инвестира над 100 милиони долари во фабриките во Орион и Браунстаун, кои ќе бидат главни во производството на овој модел. Кровните модули со радари, камери и сензори веќе се произведуваат во Браунстаун, в година следи и стартот на Cruise AV.
Chevrolet Cruise AV на иста производствена лента со Bolt EV
Почнувајќи од ланскиот јануари, во фабриката во Орион се произведоа три генерации прототипи на Cruise за тестирање на автономната технологија во услови на реален сообраќај, вклучувајќи и тестирање во централното подрачје на Сан Франциско. Од трите генерации се произведоа повеќе од 200 возила. Во Орион моментно се произведуваат електричниот компакт Chevrolet Bolt EV и Sonic. Не е мајсторија да се погоди дека Cruise AV ќе поседува електричен погон.
Индија забранува возила со автономна технологија
Овој сообраќаен знак го читаат автономните возила
