Дарко Јаконов
Тој што обожува да парадира наоколу со сонорно мрморење на V8 со 440 КС, сигурно ќе сака и самиот да се покаже пред светот. Тоа не е проблем, затоа Chevrolet сега ја нуди кабриолет изведбата од Camaro.
Новиот Chevrolet Camaro од следната година ќе биде достапен и во кабриолет изведба. Отворената верзија на мускулестиот автомобил исто така профитира од скрутената и во исто време олеснета структура на каросеријата, губејќи 90 килограми во тежина. Основниот мотор е крајно нетипично американски, со четири цилиндри, зафатнина од два литри и турбонатполнење, но затоа може да се биде спокоен околу моќноста од 279 КС. Повеќе личи најсилната верзија, Camaro SS, каде што работи 6,2-литарски мотор V8, вградуван во Corvette Stingray. Овој мотор ослободува 440 КС и вртежен момент од 610 њутнметри. Средината од понудата ја пополнува нов 3,6-литарски V6 со 330 КС. Освен со стандардниот мануелен менувач со шест степени, Camaro Cabrio може да се избере и со автоматски менувач со осум степени.
По желба платнен покрив во иста боја со каросеријата
Во внатрешноста на новиот Camaro се користат многу поквалитетни материјали отколку кај претходникот, а доста се свежи и користените технологии. Покривот што се движи со електромотор и има дебела звучна и термоизолација, може да се отвора и затвора до брзина од 50 километрина час. Интересна е опцијата платнениот покрив да се комбинира во боја на каросеријата, така што Camaro Cabrio со затворен покрив изгледа речиси идентично со купето.
Продажбата во САД стартува во почетокот на следната година. Цените уште не се објавени, исто како и деталните технички податоци и опремата. Chevrolet Camaro и Corvette се достапни само на десетина поголеми пазари во Европа, околу почетокот на продажбата се наведува дека тој ќе се случи во првата половина од 2016 година, со цена на основната изведба од околу 40.000 евра за купето, односно пет илјади евра повеќе за кабриолетот.
