Според деталните пресметки што секоја година ги прави клубот АДАК, во Шведска, Австрија и Германија во просек се најниски трошоците за возило и за приколка, како и за користење на инфрастуктурата на автокампот.
Водичот за кампување на АДАК, кој може да се забележи и на поопремените станици за полнење гориво кај нас, излезе во новото издание за 2019 година, со ажурирани цени и совети. Според истражувањата на клубот, тричлена фамилија со дете до 10-годишна возраст, во екот на летната сезона ќе плаќа дневно во просек по 37,56 евра во европските автокампови. Во цената се вклучени такса за автомобил и приколка, како и најважните придружни трошоци, меѓу кои струја, топол туш и престој.
Одделно по земји, најскапа годинава е Италија, со просечно 48,35 евра по ден. Втора е Швајцарија со 44,90 евра за семејно преноќување, по неа следат Данска (42,02 евра) и Шпанија (40,42 евра). Помалку од 40 евра по ноќ се плаќа во Холандија (39,75 евра) и Хрватска (38,66 евра). Поевтино од тоа е во Франција (38,54 евра), Австрија (37,02 евра) и Шведска, со 31,46 евра за ноќевање за камперско семејство.
Германија веќе неколку години е најевтино одредиште за автокамперите во Европа. За годинава, просекот за ноќевање во германските кампови чини 30,31 евра, што е за околу едно евро повеќе од лани.
Најголеми поскапувања има во Австрија (+5%), во Италија (+4,3%) и Германија со 4,0 проценти.
Од македонските кампови, надвор од водичот за кампување на АДАК, добар впечаток остава Рино, во Струга.