179
23 shares, 179 points

Попладнево се одржа свеченото отворање на новиот деловен центар покрај мостот Близнаци, кој уште рано во изградбата ја понесе огромната сребрена ѕвезда што врти на покривот. Тоа секако е најверодостојната асоцијација со карактерот на оваа зграда, што како да е пренесена директно од техно-перфектната Германија. Кусо, тоа што Mercedes е меѓу автобилите, Премиум е меѓу бизнис центрите.

Во стилот на техничките податоци на автомобилите што се во понудата на Мак Аутостар: Бизнис центарот Премиум располага со „работна зафатнина“ од 12.000 метри квадратни, „багажник“ со 190 паркинг места, во сериската опрема се вклучени фитнес центар, серверска и електро соба посебно за секој кат, а за ниската потрошувачка се грижи четирицевен систем со топлински пумпи Carrier.

На 25-годишнината од својата работа, Мак Аутостар денес официјално го отвори новиот бизнис центар Премиум. Станува збор за објектот што многумина го следеа додека се градеше и комплетираше, а прво стана впечатлив по осумметарската трикрака ѕвезда на Mercedes, којашто се врти на покривот на објектот.

25 години стоиме зад мислата, чувствувајте се како дома во Вашата канцеларија. Оваа идеја сакаме да ја споделиме со другите компании, градејќи објект во вредност од над 10 милиони евра, каде што во најсовремени услови ќе може да се гради својот бизнис
Зоран Марковски, генерален директор на Мак Аутостар

Сега, откако е пуштен во работа, се забележува дека тоа е објект изграден според најпримерни архитектонски манири, со големи стаклени површини и вешто владеење со пропорциите. Иако е масивен објект, со своите седум ката над земја, три ката под земја и катна површина речиси колку фудбалско игралиште, „Премиум“ се вклопува во средината, изгледа баш природно.

New photo by Automedia MK / Google Photos

На отворањето присуствуваа голем број бизнисмени и јавни личности, на коишто со пригодни говори им се обратија градоначалникот на Гази Баба, Борис Георгиевски, заменик амбасадорот на Германија, Ото Граф, и директорот на Мак Аутостар, Зоран Марковски. Домаќинот на настанот соопшти дека во изградбата на престижниот објект се вложени 10 милиони евра, а во истата учествувале повеќе од 80 компании, што се најдобри показатели за тоа колкаво е значењето на самата изградба на вакви објекти за стопанството.

New photo by Automedia MK / Google Photos

Специјалноста на секоја компанија или марка што била избрана како добавувач, придонесува за уникатната целина на бизнис центарот „Премиум“. Четирите лифтови со капацитет за 12 лица се производ на ThyssenKrupp, топлинските пумпи се Carrier, изолациските стакла се од Guardian, а самите прозорци се Schuco. Во подземната гаража на 3 нивоа има дури и полначи за електрични возила.

Викторија Лоба на дело, убавицата отпеа за атмосферата на отворањето да биде уште поимпресивна
New photo by Automedia MK / Google Photos

Сета стручност, а неретко и виртуозност на специјалистите архитекти и градежници, кои учествувале во објектот, може и да се почувствува, преку природната осветленост на секој простор во објектот, пријатното чувство вооошто, отсуството на секаква врева, климатизацијата без провев, логичното снаоѓање низ просторот, деталите кои изненадуваат од секаде. Ако објектов има марка, тогаш тоа дефинитивно е Mercedes, и тоа S-Class.

Двата објекти на Мак Аутостар создават целина што оддава впечаток како тоа да е остров пренесен од најголемата урбанистичка и архитектонска гордост на некоја метропола во срцето на Европа
New photo by Automedia MK / Google Photos

Објектот се вклопува совршено со познатиот амбиент на салонот за Mercedes и Mitsubishi, па дури истиот се истакнува уште повеќе. Веднаш по скршнувањето од прометната улица, тука пречекува некоја друга атмосфера, можеби и оаза. Секако не е случајно избран слоганот: Чувствувајте се како дома во Вашата канцеларија.

И најубавите кадри од отворањето на бизнис центарот Премиум:
New photo by Automedia MK / Google Photos
New photo by Automedia MK / Google Photos
Во приземјето се наоѓа салонот за користени возила; Продажните експерти на Mercedes кажуваат дека многумина прво мислат оти тоа се фабрички нови возила
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

Врска до веб-страницата за бизнис центарот Премиум 


Ти се допаѓа? Сподели со пријателите!

179
23 shares, 179 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *