Bridgestone доби уште една тужба во правниот спор против кинескиот производител на гуми Shengtai Group и неговата посестринска компанија Shandong Shengshi Tai Lai. Народниот суд во Чингдао наложи истрага во врска со повредата на патентот за зимските гуми Bridgestone Blizzak VRX. Кинескиот производител Shengtai го користел профилот на овој модел зимски гуми од серијата Blizzak. Отштетата што ќе ја добие Bridgestone изнесува околу 102.000 евра.
Реномираниот производител на гуми поднесе тужба против кинеската компанија пред судот за нематеријална сопственост уште во април годинава. Тогаш се работеше за патент на дизајнот на гумите за товарни возила Bridgestone ST3000.