Повеќе од 50.000 вработени во Bosch можат при прекумерна загаденост на воздухот да ја користат работната картичка како билет за бесплатен јавен превоз. Големиот добавувач на автомобилската индустрија на тој начин придонесува за намалување на загаденоста на воздухот.
Од средината на октомври, вработените во Bosch повторно ќе можат да патуваат бесплатно со јавниот превоз во деновите со прекумерна загаденост на воздухот, користејќи ја работната картичка како билет. Компанијата на тој начин ги поттикнува своите вработени да користат „алтернативен превоз“, а во одредени случаи им овозможува на вработените да останат дома и оттаму да ги извршуваат обврските – без потреба да патуваат.
Како еден од најголемите работодавци во регионот, Bosch придонесува за намалување на сообраќајниот обем и за подобрување на квалитетот на воздух во поширокиот регион на Штутгарт. Само педесетте илјади вработени во фабриките на компанијата во тоа подрачје, дневно минуваат заедно до 1,6 милион километри.
Компанијата ги надоместува трошоците за бесплатниот превоз на своите вработени кај јавните транспортни претпријатија. Лани околу 40% од вработените ја користеле можноста за бесплатен превоз барем еднаш, во периодот меѓу 15-ти октомври и 15-ти април, односно во таканаречената сезона на ПМ-честички.
12.000 вработени имаат земено велосипед под наем
Bosch им нуди на своите вработени и можност за наем на велосипеди или електрични велосипеди под мошне поволни услови. Во последните 18 месеци, повеќе од 12.000 вработени на целата територија на Германија потпишале договор за користење на велосипедите под наем. Во секој погон и фабрика на Bosch се организирани простори за паркирање на велосипедите, како и соблекувални и тушеви.
Уште еден избор за вработените на Bosch е платформата за користење заеднички превоз, воведена лани. Посебно изработена мобилна апликација овозможува повеќе лица да се организираат и да патуваат заедно и со заеднички трошок до работното место – односно до Bosch. Во Штутгарт за оваа опција се решиле 6.000 вработени, на коишто единствен избор им е да патуваат со автомобил до работа.
Во Истанбул и Шангај, а секако и во Штугарт, организиран е сопствен превоз со минибуси. Од следната година, оваа можност ќе се понуди и за вработените во фабриките во Абштат и Ројтлинген.
Вработените во Bosch можат да останат и дома или на локација во близина, користејќи таканаречени Bosch Coworking платформи за извршување на своите работни обврски.
Топ 10 Најголеми заблуди околу аерозагаденоста во Македонија