за

Штитниците за сонце стануваат дигитални и проѕирни

bosch виртуелен штитник за сонце 1
bosch виртуелен штитник за сонце 1

Штитниците за сонце во автомобилот постојат „сто години“ и одземаат повеќе од половина од видното поле кога ќе се спуштат. Тоа може да се смени во иднина, со проѕирни панели што по дигитален пат се затемнуваат само во мал дел, за да спречат заслепување на возачот.

Тие се едни од деловите во кабината на автомобилите што се заборавени со времето и изгледаат исто како пред 100 години. Тое се штитниците за сонце, за кои малкумина помислиле дека може нешто да се направи подобро. Според статистиката, незгодите од заслепување од сонце се двапати почести од возење во магла, на мраз и слично.

Проблемот кај штитниците за сонце е во тоа што покриваат повеќе од половина од видното поле кога ќе се спуштат. Тие може во иднина да се заменат со дигитални штитници. Добавувачот и иноватор Bosch работи на тоа. Станува збор за проѕирен дисплеј со течни кристали, заедно со камера што е насочена кон возачот. Посебен софтвер прави на дисплејот да се затемни само мал дел што ги блокира зраците кои би го заслепиле возачот. Најголемиот дел од дисплејот, односно „штитникот“ останува проѕирен, без да се попречува видното поле.

New photo by Automedia MK / Google Photos

Виртуелниот штитник деновиве доживеа премиера на саемот за потрошувачка електроника во Лас Вегас. Жири составени од дизајнери, инженери и специјализирани новинари веќе доделија награда за „најдобар изум“, што е најпрестижна награда на саемот, во категоријата на забавни и безбедносни системи во автомобилите. Дигиталниот штитник доби посебна награда и во севкупното оценување.

Уште е рано да се зборува за датум на отпочнување со сериското производство, што зависи првенствено од тоа каков интерес за изумот ќе покажат производителите на автомобили.

Какво е Вашето мислење

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Коментари

Напишете коментар

Вашата адреса за е-пошта нема да биде објавена. Задолжителните полиња се означени со *

Вчитувам

0
Kia XCeed

Kia со рекордна продажба во Германија, близу 70.000 возила

Toyota Yaris GR

Со погон 4х4, гени од рели и 272 КС: Toyota Yaris GR, што направи од себе?