142
20 shares, 142 points

Новата генерација на BMW Z4 ги добива завршните дотерувања во погонот и подвозјето на тест-патеката во Мирамас, на југот на Франција. Родстерот што во најчиста форма ги симболизира врвните возни својства на баварската марка, за првпат има близнак од друга марка

Првпат во својата историја BMW развива автомобил во соработка со друг производител. Тоа што кај Баварците е родстерот Z4, кај Toyota ќе биде купето Supra. Оваа соработка беше неизбежна, затоа што продажбата на родстери е во постојан пад и трошоците за развој и производство тешко се покриваат доколку не се споделат со друг. Дури и најпродаваниот родстер на сите времиња, Mazda MX-5, денес има близнак во Fiat 124 Spider.

Светскиот пазар на кабриолети и родстери се преполови во последниве десетина години. Од 800.000 примероци во 2007 година, лани пазарот достигна само 418.000 примероци. Нема изгледи дека пазарот ќе заздрави во следните години.

BMW Z4 1

Сознанието дека BMW Z4 ќе ги дели техниката и инженерингот со некој друг автомобил не мора да се зема премногу при срце. Од тоа што се гледа на фотографиите, на кои родстерот уште е во маскирна униформа и од тоа Јапонците го прикажаа како спортски маскирана верзија на Supra, техничката спрега меѓу двата автомобила не се покажува во изгледот на возилата – настрана од фактот што едниот е родстер, другиот купе.

Буквата Z е како гаранција за врвни возни својства – особено во комбинација со M

Од друга страна, минхенската марка сигурно нема да дозволи нејзиното лого да се најде на автомобил што не вози како BMW. Уште отсега, фановите на марката може да бидат сигурни дека Z4 ќе има возни својства во најдобрата традиција на „Z“, којашто датира уште од легендарниот Z1. Нема место за компромиси во модел што повеќето сопственици ќе го имаат како втор автомобил во возниот парк и очекуваат тој да го понуди најдоброто што може да се добие од родстер со знак на BMW.

BMW Z4 3

За разлика од моделот од претходната генерација, којшто веќе две години отсуствува од ценовникот, новиот Z4 ќе поседува многу поспортска нота и со карактерот повеќе ќе му парира на Porsche 718, отколку на комфорниот Mercedes SLC. Изобилството од комфорна опрема и забавна електроника не би требало да залажува. Z4 е првиот модел во својот сегмент што ќе нуди опција за проекциски дисплеј.

Најзначајната промена е во замената на преклопливиот метален покрив со класичен платнен покрив. Тоа заштедува 50 килограми, но ефектот врз возните својства е многу поголем, затоа што станува збор за тежина којашто е одземена „озгора“, а не во основата на возилото. Класичниот изглед е поубав, а и спуштањето на покривот е побрзо. Покрај тоа, зафатнината на багажникот од 265 литри не се менува.

Во споредба со претходникот, меѓуоскиното растојание е скусено, додека трагите на обете оски се пошироки. Тоа се две работи што одат чисто во корист на динамиката во свијоци. Подвозјето добива и варијабилно спортско управување, приспособлива амортизација и електронски симулирана блокада на диференцијал.

BMW Z4 ќе има премиера на престижниот собир на богати колекционери на автомобили во Пебл Бич, кон крајот на август. Таму, лани дебитираше и концептниот автомобил со когошто беше најавен скориот старт на родстерот. Испораките ќе стартуваат во следниот март. Кај моторите не смее да има двоумење, под хаубата работи BMW. Во почетокот ќе се нуди само моделската изведба M40i, со трилитарски шестцилиндарец, со 340 КС и 500 њутнметри. Со овој мотор, двоседот ќе спринтува до 100 за помалку од пет секунди.

Цената на M40i ќе изнесува околу 60.000 евра. Подоцна ќе следат најмалку уште две моделски изведби со четирицилиндарски мотор, со околу 200 КС и цена од 40.000 евра за основната верзија.

BMW Z4

Flickr Album Gallery Powered By: Weblizar

Ти се допаѓа? Сподели со пријателите!

142
20 shares, 142 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743