143
25 shares, 143 points

Луксузниот теренец на Баварците ги преживеа сите можни предизвици на мајката природа – и на по некој бездушен возач. BMW X7 стартува со претсериско производство и се подготвува за премиерата кон крајот на годинава

BMW против Range Rover. Тоа ќе биде новото жестоко соочување од самиот врв на автомобилската сцена, кога Баварците ќе го претстават BMW X7 кон крајот на годинава. Марката со сино-белиот знак првпат влегува во луксузниот сегмент на големите теренци. А, таму не се продаваат коњски сили и опрема, туку купувачите се привлекуваат со совршенство.

bmw x7 zavrsno testiranje

BMW X7 прво го гледавме зимоска, на тестирањата на работ на Поларниот Круг, по што следеа маратонски тури во пустински услови под жешкото сонце на спротивниот крај на светот, на југот на Африка. Тестирањата на прототипите продолжија во веројатно најтешките услови за возење во денешницата, во градски метеж, со запирање и поаѓање на секој еден метар.

Тестирање од една до друга крајност: Во класата на BMW X7 се продава совршенство, а тоа не се мери преку бројки или букви

Долготрајната и макотрпна серија тестирања заврши со фини дотерувања на подвозјето и погонската спрега, во природната средина на секој BMW, по кривулести патишта и брзи делници по автопат. Се возеше по секаков вид и квалитет на подлога, во сите можни временски услови, од една до друга крајност.

Во меѓувреме стартуваше претсериското производство на големиот SAV – според жаргонот на BMW, нивните теренци не се Sport Utility Vehicle, туку се Sport Activity Vehicle – во фабриката во Спартанбург. Во следните неколку месеци ќе се комплетира и нултата серија, за сé да биде подготвено за големиот момент кон крајот на годината.

Нема траги од тешка теренска работа во изгледот на BMW X7

Со должина од 5,2 метри, новиот BMW X7 е за триесетина сантиметри подолг од X5. Дизајнот се раководи според Concept X7 Performance, когошто го познаваме уште од ланскиот салон во Франкфурт, со масивните бубрези напред и тенките светла што директно се надоврзуваат на заштитниот знак на марката. Широки крила и заштитни плочи за подвозјето не се во игра во оваа класа. Големиот BMW повеќе сака да остави впечаток на благородник, отколку на теренски работник.

Понудата од погонски единици во почетокот ќе ја сочинуваат подновениот 4,4-литарски V8 со битурбо натполнење и 462 КС, и шестцилиндарскиот дизел со 320 КС. Верзија со плагин-хибриден погон веќе се подразбира. Со X7 практично се комплетира моделската понуда на BMW во луксузниот сегмент, заедно со „традиционалната“ серија 7 и гран-туризмото од новата серија 8, коешто исто така стартува со продажба кон крајот на годинава.

Посебност на големиот BMW ќе биде просторноста во кабината, на што укажуваше и стилот на концептниот автомобил од ИАА, со високите стакла и тенките кровни столбови. Во таква релаксирачка средина ќе работи и комплетно новиот дигитален кокпит, когошто BMW го води како „оперативен систем 7.0“.

Од техничките специјалитети на баварците ќе се вградуваат интегрално управување на сите тркала, пневматска амортизација и активни стабилизатори. Последниве ќе се погрижат X7 да вози како спортско купе по асфалт, но и да се пробива суверено во потешки теренски услови. Со двојните стакла и со најтемелна изолација, тоа ќе биде најтивкиот модел во понудата на минхенската марка.

Топ 10 Најскапи теренски автомобили

Луксузни теренци на местото на господските лимузини

Нарачките за Rolls-Royce Cullinan се полни до 2020 година

BMW X7

Flickr Album Gallery Powered By: WP Frank

Ти се допаѓа? Сподели со пријателите!

143
25 shares, 143 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743