BMW и кинескиот партнер Brilliance ќе претстават нова изведба на X1 xDrive 25Le на салонот во Шангај (16-ти до 25-ти април). Оваа верзија со плагин-хибриден погон е развиена посебно за Кина, има продолжено меѓуоскино растојание и сега може да вози до 110 километри со енергијата во батеријата. Тоа е 83% подолг досег во споредба со постоечката изведба на компактниот кросовер.
Погонската спрега на BMW X1 xDrive 25Le ја сочинува 1,5-литарски турбо бензинец со три цилиндри, кој е задолжен за погон на предната оска, додека задната оска добива погон од електромотор. Системската моќност изнесува 231 КС, максималниот вртежен момент 382 њутнметри. Во комбинација со 6-степен автоматик, спринтот до сто трае 7,4 секунди.
Продолжениот досег се должи на поголемиот удел на никел во составот на анодата на батеријата. Моделот се произведува локално, во фабриката во Шенјанг.
По купе-лимузината Mercedes CLA доаѓа и BMW 2 Gran Coupe
BMW со салонско деби на серијата 7 и со армада хибриди
BMW i3 по супертестот на 100.000 километри во АУТО БИЛД
BMW M3 паузира, но затоа има за првпат BMW X3 M