за

Серијата 2 на BMW отсега вози и како Gran Coupe

BMW серија 2 Gran Tourer
BMW серија 2 Gran Tourer

Која е единствената каросериска форма што е различна од СУВ и во моментов предизвикува растечки интерес кај возачките и возачите? Купе со четири врати или купе-лимузина. По изведбите Gran Coupe во сериите 4, 6 и 8, баварците ја применуваат згодната форма и во серијата 2. BMW Gran Tourer од серијата 2, првпат.

Како што уредно најави уште кон крајот на јули, BMW ја воведува купе-лимузинската форма и во серијата 2. Познавачите веднаш ќе се сетат дека Mercedes го има CLA во истата класа, повеќе поради фактот што моделот е дизајниран од македонскиот дизајнер Славче Таневски. Тоа е само следното продолжение на вечното натпреварување меѓу BMW и Mercedes. И нека не престанува. Автомобилската сцена во спротивно би изгледала здодевно, исто како во филмскиот серијал за Роки Балбоа да се цензурираат сцените во мечовите со Аполо Крид. Ова е сепак само загревање, наспроти вистинските борби што се водат во највисоките класи…

Значи, BMW Gran Tourer од серијата 2. Баварците добро ја владеат формата на купе со четири врати и досега ја имаат применето во сериите 4, 6 и во „кралската“ осумка. Купе-лимузината ќе ги привлече купувачите со истите атрибути како класичните купе-модели. А, тоа се индивидуалност, беспрекорно дотерана естетика и форма што побудува емоции. Сето тоа е комбинирано со неколку нови пристапи во ракувањето и со напредни можности за поврзување, а на тоа следи и практичност во секојдневието. Панделката на „пакетот“ секако е самиот BMW, односно возната динамика што е неразделна од имиџот и суштината на марката.

New photo by Automedia MK / Google Photos

Светската премиера ќе се одржи во следниот месец на салонот во Лос Анџелес, а гран-турерот може да се очекува во салоните веќе во март следната година. Познати се цените за Германија: Стартот за BMW 218i е од 31.950 евра, дизелот BMW 220d чини 39.900 евра, додека за топ-моделот BMW M235i xDrive треба да се издвојат најмалку 51.900 евра.

Препознатлива и достојна стилска форма за опашот на BMW, со светла што се развлечени кон средината и лента што се спојува со логото на марката

Посебен печат даваат издолжената силуета, отуството на рамки за стаклата во вратите, како и задните светла кои се развлечени кон средината на каросеријата и во средината преоѓаат во црна лента во сјајна црна боја, што го опкружува логото на BMW.

New photo by Automedia MK / Google Photos

BMW Gran Coupe од серијата 2 е долг 4.526 милиметри, широк 1.800 милиметри и висок 1.420 милиметри. Иако однадвор се стекнува впечаток дека кабината е ниска и тесна, германските ергономи ветуваат дека внатре има доволно простор, благодарение на долгото меѓуоскино растојание од 2,67 метри. Доволно простор има и во багажникот, кој се одликува со примерна приспособливост.

Предните светла стандардно користат диодна техника за сите функции и малку се закосени, нагласувајќи го на тој начин главниот визуелен елемент на BMW, „бубрезите“.
New photo by Automedia MK / Google Photos

Платформата потекнува од серијата 1, што значи дека со неа и погонот се префрлува напред, но динамичарите на BMW, исто како и кај класичната комбилимузина, се погрижија да постигнат агилни возни својства и со преден погон.

Aktornahe Radschlupfbegrenzung“ ако некој се сомнева дека со преоѓањето на преден погон се губи многу од динамиката што е својствена за марката

Посебно за погоре спомнатата цел е развиена технологијата ARB, кратенка од Aktornahe Radschlupfbegrenzung, односно ограничување на пролизгувањето на погонските тркала, заради постигнување попрецизно и побрзо активирање и дејствување на контролата на тракцијата. Овој систем го поседува и BMW i3s, чијшто електромотор во спротивно би предизвикал „повеќеминутно“ пролизгување, поради тоа што го постигнува полниот вртежен момент уште од првиот вртеж.

New photo by Automedia MK / Google Photos

Стандардно се вградува и BMW Performance Control, како надополнување на ARB, кој дозволува поостро менување на правецот на самиот праг на граничното подрачје, на тој начин што со контролирани зафати ги потсопира тркалата од внатрешната страна во свијокот и овозможува неутрални возни својства.

Спортскиот топ-модел M235i xDrive стандардно поседува погон на сите тркала BMW xDrive, механичка торсен-блокада на диференцијалот, M спортско управување и M спортски сопирачки. Осумстепениот Stroptronic дозволува и тркачки старт.

New photo by Automedia MK / Google Photos

На почетокот од продажбата се достапни два бензинци и еден дизел: Во BMW 218i работи познатиот 1,5-литарски турбо со 140 КС, M235i вози со најмоќниот четирицилиндарец во групацијата, со 306 КС, додека во 220d работи дволитарски дизел со 190 КС. Само во САД ќе се нуди BMW 228i xDrive со 2,0-литарски четирицилиндарец со 231 КС.

Со доплата за дигитален клуч, Gran Coupé може да се отклучи и преку мобилен телефон, исто како и да се стартува моторот, откако телефонот ќе се постави во предвиденото лежиште.

Дел од концептот на ракување е BMW Intelligent Personal Assistant. Некој рече дека тоа кај Mercedes се води како MBUX и постои уште од премиерата на A-Class? Како што спомнавме во почетокот, сцената без BMW против Mercedes или Mercedes против BMW би била премногу здодевна…

New photo by Automedia MK / Google Photos
New photo by Automedia MK / Google Photos

View this post on Instagram

Everything in its right place. Precise lines create a fascinating interplay of light and shade. The first-ever BMW 2 Series Gran Coupé. #THE2 #BMW #2Series __ BMW M235i xDrive Gran Coupé: Fuel consumption in l/100 km (combined): 7.1–6.7. CO2 emissions in g/km (combined): 162–153. The values of fuel consumptions, CO2 emissions and energy consumptions shown were determined according to the European Regulation (EC) 715/2007 in the version applicable at the time of type approval. The figures refer to a vehicle with basic configuration in Germany and the range shown considers optional equipment and the different size of wheels and tires available on the selected model. The values of the vehicles are already based on the new WLTP regulation and are translated back into NEDC-equivalent values in order to ensure the comparison between the vehicles. [With respect to these vehicles, for vehicle related taxes or other duties based (at least inter alia) on CO2-emissions the CO2 values may differ to the values stated here.] The CO2 efficiency specifications are determined according to Directive 1999/94/EC and the European Regulation in its current version applicable. The values shown are based on the fuel consumption, CO2 values and energy consumptions according to the NEDC cycle for the classification. Further information on official fuel consumption figures and specific CO2 emission values of new passenger cars is included in the following guideline: 'Leitfaden über den Kraftstoffverbrauch, die CO2-Emissionen und den Stromverbrauch neuer Personenkraftwagen' (Guide to the fuel economy, CO2 emissions and electric power consumption of new passenger cars), which can be obtained free of charge from all dealerships, from Deutsche Automobil Treuhand GmbH (DAT), Hellmuth-Hirth-Str. 1, 73760 Ostfildern-Scharnhausen and at https://www.dat.de/co2/.

A post shared by BMW (@bmw) on

View this post on Instagram

Dare to show off your urban soul. The first-ever BMW 2 Series Gran Coupé. #THE2 #BMW #2Series __ BMW M235i xDrive Gran Coupé: Fuel consumption in l/100 km (combined): 7.1–6.7. CO2 emissions in g/km (combined): 162–153. The values of fuel consumptions, CO2 emissions and energy consumptions shown were determined according to the European Regulation (EC) 715/2007 in the version applicable at the time of type approval. The figures refer to a vehicle with basic configuration in Germany and the range shown considers optional equipment and the different size of wheels and tires available on the selected model. The values of the vehicles are already based on the new WLTP regulation and are translated back into NEDC-equivalent values in order to ensure the comparison between the vehicles. [With respect to these vehicles, for vehicle related taxes or other duties based (at least inter alia) on CO2-emissions the CO2 values may differ to the values stated here.] The CO2 efficiency specifications are determined according to Directive 1999/94/EC and the European Regulation in its current version applicable. The values shown are based on the fuel consumption, CO2 values and energy consumptions according to the NEDC cycle for the classification. Further information on official fuel consumption figures and specific CO2 emission values of new passenger cars is included in the following guideline: 'Leitfaden über den Kraftstoffverbrauch, die CO2-Emissionen und den Stromverbrauch neuer Personenkraftwagen' (Guide to the fuel economy, CO2 emissions and electric power consumption of new passenger cars), which can be obtained free of charge from all dealerships, from Deutsche Automobil Treuhand GmbH (DAT), Hellmuth-Hirth-Str. 1, 73760 Ostfildern-Scharnhausen and at https://www.dat.de/co2/.

A post shared by BMW (@bmw) on

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Toyota Yaris

Новата Toyota Yaris е создадена да владее во градот

Honda_Jazz_najava-Tokyo

Honda Jazz е уште една важна премиера на салонот во Токио