126
17 shares, 126 points

Компактот на BMW отсега вози со погон напред и попречно вградени мотори, но затоа има електрика за задниот капак и два прста повеќе простор за колена на задната клупа. Основните модели имаат три цилиндри, моќноста почнува од 116 КС и досега до 306 КС.

Кога BMW во 2004 година ја претстави првата серија 1, како неприкосновена спортска машина, наспроти Mercedes A-Class и Audi A3, баварците на сите страни разгласуваа за предностите на задниот погон. Компактот на BMW имаше помалку простор во кабината и беше поскап од конкурентите. Но, имаше заден погон. Имаше и редни шестцилиндарци, вградени надолжно, во најдобрата традиција на Минхен. Во поглед на возната динамика, серијата 1 беше цел свет понапред. Единствениот проблем беше и најголемиот проблем: Конкурентите продаваа повеќе.

New photo by Automedia MK / Google Photos

BMW веќе одамна остави да бледее имиџот на линиските шестцилиндарци што вртеа лесно, брзо и фантастично меко. Истото се случува и со традицијата на задниот погон, затоа што најсилните машини на марката од Петуелринг веќе долго време користат погон на сите тркала. Затоа излегува сосем безначајно тоа што новата серија 1 користи различни „стандарди“.

Динамичните возни својства беа најважни, но не и кај најпродаваните моделски изведби на претходникот; Купувачите едноставно сакаат BMW во компакт класата

Моторите сега се вградуваат попречно, шест цилиндри не се нудат, а главниот нагласок е во зголемената просторност на кабината. Фановите на серијата 1 веројатно нема да приговараат премногу, затоа што најпродавани моделски изведби во претходната генерација беа 118i и 118d.

New photo by Automedia MK / Google Photos

Врвната возна динамика повеќе не е толку значајна во компакт класата на BMW. Тоа што ќе го забележуваат купувачите е дека нивната потенцијална „единица“ изгледа убаво, има 3,3 сантиметри повеќе простор за колена назад од претходниот модел, иако меѓусокиното растојание е скусено за два сантиметри, како и дека полесно се пристапува до задната клупа.

Само во Германија и Велика Британија се продаваше половината од продукцијата на серијата 1

Во багажникот собира меѓу 380 и 1.200 литри. Главните пазари за серијата 1 се Германија и Велика Британија, на кои отпаѓаше дури половина од продажбата на претходникот. Единицата е популарна ширум Европа, но солидни продажби се постигнуваа и во Турција, како и во Кореја.

Комбилимузината е долга 4,32 метри и изгледа пораскошно, а страничната линија повеќе е закосена наназад. Ширината порасна на 1,8 метар, висината на 1,43 метар. Спортските изведби имаат различна маска и повпечатлив дизајн на браниците, но и обичните верзии изгледаат сосем пристојно.

New photo by Automedia MK / Google Photos

Моторите се три и четирицилинидарци со турбонатполнење. Основен модел е 118i, со 1,5-литарски трицилиндарец со 140 КС. Најмалечок дизел е 116 d, исто така со три цилиндри и со моќност од 116 КС. При почетокот на продажбата во септември, понудата ќе ја сочинуваат 118d со 150 КС, 120d xDrive со 190 КС и M135i xDrive со 306 КС.

Системите за асистенција и инфо-забавните системи во најголемиот дел потекнуваат од серијата 3

Во сериската опременост отсуствуваат ставки што веќе би требало да се подразбираат, како диодни светла, алу-бандажи од 17 инчи или голем средишен дисплеј. Затоа, пак, во новата серија 1 на BMW првпат се нудат електромотор за задниот капак, проекциски дисплеј и панорамски покрив. Дисплеите и полињата за ракување потекнуваат од серијата 3. Од големата сестра потекнуваат и бројните системи за асистенција.

Новата серија 1 на BMW: Со сета сила напред

Со преден погон, новата серија 1 на BMW пак не би требало да вози полошо од конкурентите. Додуша, се чини дека инженерите сосем комотно го средија тоа

Posted by Automedia.mk on Tuesday, May 28, 2019

Од BMW Garmish нема трага половина век, BMW го изработи од ново

BMW со поздравно видео за заминувањето на Дитер Цече од Daimler

Новите модели од сериите 7 и 8 на BMW со кралски пречек во М Кар

BMW M8 ќе понуди „петта димензија“ на конфигурирање


Ти се допаѓа? Сподели со пријателите!

126
17 shares, 126 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *