137
18 shares, 137 points

Тоа што баварците досега го изведуваа кај BMW M3 CS и M4 CS, сега е првпат достапно и во модел од компактната класа, во M2 со додатокот од двете букви што им значат многу на автомобилистите.

BMW додава уште еден степен на ракетно полнење во својот M2, кој наидува на огромни симпатии, како основен „М“ и како верно продолжение на идеологијата што своевремено ја постави првиот M3. Новиот BMW M2 CS е уште еден степен над M2 Competition и воедно е основа за тркачката изведба M2 CS Racing, што ќе се појави на стартната линија в година.

Разлики во изгледот со „Competition“ се препознаваат во формата на хаубата, во покривот што првпат кај M2 е целосно изработен од карбонпластика, во предниот сплитер, во малиот спојлер на задниот капак и во задниот дифузор – сите компоненти се изработени од карбон.

New photo by Automedia MK / Google Photos

Доменот на M2 CS се забрзувањето, возната динамика, прецизноста и агилноста во возењето. Во исто време, покрај овие вредности што се ценат на тркачка патека, компактното купе е применливо и во секојдневието. BMW ексклузивно го лакира моделот во мизано-сина металик боја. Тоа е само уште еден „детал“ што влегува во почетната цена од 95.000 евра во Германија.

BMW M2 CS со моќност зголемена на 450 КС и приспособливо M-подвозје

Моќноста на 3,0-литарскиот шестцилиндарец со двојно турбонатполнење е зголемена за 40 КС во споредба со M2 Competition, на 450 КС. За оваа моќност верно да се пренесе на подлогата се грижи приспособливо спортско подвозје, што досега се нудеше само за BMW M4, заедно со Cup-пневматици. Возачот може да избира комфорен, спортски и спортски+ режим на работа на амортизацијата.

New photo by Automedia MK / Google Photos

Спортските сопирачки, секако со печат на M GmbH, следуваат стандардно, со сопирачки клешти во црвена боја. Дисковите напред имаат пречник од 400 mm, назад од 380 mm, што е уште повеќе од Compound-сопирачките кај M2 Competition. Предните сопирачки клешти поседуваат шест клипови, задните четири. Со доплата се нудат BMW M карбон-керамички сопирачки, кои се уште полесни и го смалуваат ефектот на таканаречените небалансирани маси, а дополнително имаат и поголема термичка стабилност и поголема ефикасност за услови на возење на трка.

M2 CS е практично автомобил подготвен за трка – од мајстори што знаат како се подготвува автомобил за трка

За прецизната управливост се грижат и попречната шипка во кошот на моторот, како и посебно дотераната и чувствителна контрола на стабилност, што меѓу другото се грижи за тракцијата и во услови на „дрифт“. Притоа помага и активниот М-диференцијал, односно блокадата со електронски регулирани ламели, којашто се одликува со врвна прецизност и брзина.

New photo by Automedia MK / Google Photos

Омилена „играчка“ на спортските возачи ќе биде програмата M Dynamic Mode (MDM), како опција на DSC, која дозволува поголемо пролизгување, провоцирање подуправување и надуправување, а со тоа и дрифт.

Бандажите од 19 инчи се ковани, со краци во форма на Y и во сјајна црна боја, а по желба и во мат златен тон. Предните бандажи со ширина од 9 инчи тежат само 9 килограми, задните еден килограм повеќе. Гумите Michelin Pilot Sport Cup 2се посебно изработени за M2 CS, со димензија 245/35 ZR 19 напред и 265/35 ZR 19 назад. По избор, фабрички се монтираат Michelin Pilot Super Sport, кои имаат повеќе „профил“ за возење по дожд.

New photo by Automedia MK / Google Photos

Со опционален 7-степен менувач со двојна спојка, стандардниот спринт трае 4,0 секунди. BMW M2 CS е прв модел со обврзувачката ознака што е достапен со 6-степен мануелен менувач, а тоа воедно одговара совршено за кругот на купувачи на моделот. Со овој менувач, спринтот се одолжува за две десетинки. Крајната брзина е ограничена на 280 km/h, со тоа што M Driver’s Package тука следи стандардно.

Издувот е двоен и се разликува од M2 Competition и во звукот, завршувајќи со типичните четири издувни цевки. Два електрични преклопници се грижат за типичниот звук на BMW M – на копче.

Внатрешноста е уште едно врвно достигнување, со комбинација од ексклузивност и спортска пречистеност од вишок детали. Конзолата е целосно изработена од карбон, седиштата се од BMW M4 CS. Со доплата се вградува М-спортски волан, обложен со алкантара и со црвена ознака за „12 часот“.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

View this post on Instagram

Get your head in the game with the new, thrilling motorsport sensation. The all-new BMW M2 CS. #TheM2 #BMW #M2 #BMWM __ BMW M2 CS: Fuel consumption in l/100 km (combined): 10.4–10.2 [9.4–9.6]. CO2 emissions in g/km (combined): 238–233 [219–214]. Acceleration (0-100 km/h): 4.2 s [4.0 s]. Power: 331 kW, 450 hp, 550 Nm. Top speed (limited): 280 km/h. Paint finish shown: Misano Blue metallic. The figures in brackets refer to the vehicle with seven-speed M double-clutch transmission with Drivelogic. The values of fuel consumptions, CO2 emissions and energy consumptions shown were determined according to the European Regulation (EC) 715/2007 in the version applicable at the time of type approval. The figures refer to a vehicle with basic configuration in Germany and the range shown considers optional equipment and the different size of wheels and tires available on the selected model. The values of the vehicles are already based on the new WLTP regulation and are translated back into NEDC-equivalent values in order to ensure the comparison between the vehicles. [With respect to these vehicles, for vehicle related taxes or other duties based (at least inter alia) on CO2-emissions the CO2 values may differ to the values stated here.] The CO2 efficiency specifications are determined according to Directive 1999/94/EC and the European Regulation in its current version applicable. The values shown are based on the fuel consumption, CO2 values and energy consumptions according to the NEDC cycle for the classification. Further information on official fuel consumption figures and specific CO2 emission values of new passenger cars is included in the following guideline: 'Leitfaden über den Kraftstoffverbrauch, die CO2-Emissionen und den Stromverbrauch neuer Personenkraftwagen' (Guide to the fuel economy, CO2 emissions and electric power consumption of new passenger cars), which can be obtained free of charge from all dealerships, from Deutsche Automobil Treuhand GmbH (DAT), Hellmuth-Hirth-Str. 1, 73760 Ostfildern-Scharnhausen and at https://www.dat.de/co2/.

A post shared by BMW (@bmw) on

 


Ти се допаѓа? Сподели со пријателите!

137
18 shares, 137 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *