109
17 shares, 109 points

Концептот BMW iX3 ја најавува електричната верзија на BMW X3. Првиот модел со електричен погон на BMW – ако се исклучат i3 и i8, коишто припаѓаат на BMW i прв ја користи и новата, петта генерација на електричниот погон eDrive. Предноста на новиот погон е во тоа што електромоторот, менувачот и електрониката се интегрирани во една целина. Има и нови батерии, со повисок капацитет. За новиот погон, Баварците ветуваат поголем досег, пониска тежина, помалку простор и повисока флексибилност. Плус, во електромоторот повеќе не се користат ретки и скапи метали.

BMW Concept iX3  3

Електричните модели од матичната марка во иднина ќе го носат логото на BMW i. Тоа звучи збунувачки, но значи следново: Во повеќето од идните генерации на моделските серии на BMW ќе постои и варијанта со чисто електричен погон, и таа варијанта ќе го носи знакот на електричната марка BMW i.

BMW iX3 ќе биде трета погонска опција во гамата на X3, покрај верзија со мотор со внатрешно согорување, плагин-хибрид

BMW iX3 ќе му ја позајми погонската техника и на идниот BMW iNext, за когошто германската марка веќе ни соопшти дека пристига во 2021 година. Тоа е замислата во новата архитектура на возилата, којашто дозволува модели со преден, заден или со погон на сите тркала да користат заеднички компоненти во електричната погонска спрега. Идната серија 3, на пример, ќе вози во верзии со класичен мотор, со плагин-хибрид или на батерии.

BMW Concept iX3  6

Очигледно дека и постоечкиот BMW X3 е конструиран според новата архитектура, затоа што iX3 Concept е изведен директно од него. Можно е дека Баварците ќе го користат принципот на сопствениот i3 и на Tesla во поглед на батериите, односно ќе ги нудат идните електрични модели во неколку верзии со различна големина на батериите. Колку пари, толку досег.

Моментно во десет фабрики на BMW се произведуваат модели со електрифицирана погонска спрега

Сериската верзија на BMW Concept iX3 ќе се произведува во Шенјанг, Кина, во фабриката на партнерот Brilliance. Електромоторот располага со моќност од 270 КС, додека батеријата од 70 kWh испорачува енергија за преку 400 километри, според новиот и пореален циклус WLTP.

Теренците на BMW постојано добиваат пионерски улоги. Актуелниот BMW X5 xDrive40e iPerformance се појави во 2015 година како прв плагин-хибрид на BMW, додека BMW ActiveHybrid X6 во 2009 година беше прв купе-теренец со хибриден погон. Новитети има и во полнењето. Идниот електричен X3 ќе се приклучува на полначи со моќност до 150 киловати, што ќе ја наполни батеријата за само 30 минути.

Електричите модели на матичната марка ќе се разликуваат и во изгледо. „Бубрезите“ ќе бидат затворени и со сини детали, како што навести BMW i Vision Dynamics. Затворените бубрези го намалуваат и отпорот на воздух. Сината боја се повторува и во логоата, по целата должина на праговите и во дифузорот на BMW Concept iX3.

BMW IX3 Concept

Flickr Album Gallery Powered By: WP Frank

BMW ги скусува трошоците за франкфуртскиот ИАА: Има подобри места

BMW сака сите овие предмети да ги продаде со автомобилот

BMW продаде 30.000 електрични автомобили до март

Дизел скандал и во BMW: Сервисен повик за 11.000 возила

 


Ти се допаѓа? Сподели со пријателите!

109
17 shares, 109 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743