158
21 shares, 158 points

BMW Garmish е концептниот автомобил што Марчело Гандини го дизајнираше за Bertone и беше прикажан на салонот во Женева во 1970 година. Потоа се губи секаква трага од автомобилот. BMW изработи верна копија на овој автомобил и истата ќе биде прикажана на традиционалниот собир на скапоцени олдтајмери и ретки историски автомобили што секоја година се одржува покрај езерото Комо во Италија, во организација на баварскиот производител.

Италијанскиот дизајн се почитува во BMW уште од раните денови на марката. Легендарниот BMW 328 Mille Miglia е дело на Carrozzeria Touring, додека во BMW M1 јасно се препознава печатот на Џорџето Џуџаро. Во 1970 година, Bertone самостојно го креира концептниот автомобил BMW Garmisch, со цел да го прикаже креативниот потенцијал на дизајнерското студио.

New photo by Automedia MK / Google Photos

Намерата на тогашниот шеф Марчело Гандини била да се изработи купе од средната класа, со препознатлива форма за BMW, но со повеќе динамика и со извесна провокација. Последново најдобро се забележува во посебно нагласените „бубрези“, во комбинација со правоаголни светла. Необични детали се и отворите за воздух во задните столбови, во стил на спортските автомобили, како и заштитата од сонце за задното стакло со саќеста структура, како препознатлив печат на Гандини.

New photo by Automedia MK / Google Photos

Необични детали има и во кокпитот, како што е верикално поставеното радио во средишната конзола, преклопливото огледало на совозачката страна и екстравагантните бои и материјали. Дури и името било избрано да привлекува внимание, затоа што Гармиш во тоа време бил најпосакувано одредиште и сон за секој љубител на скијањето.

New photo by Automedia MK / Google Photos

Посебен предизвик за BMW беше тоа што од возилото не постои техничка документација, така што сопствените специјалисти за олдтајмери се потпираа единствено врз неколкуте фотографии. Голема помош беа советите од Марчело Гандини, особено во поглед на бојата на возилото, затоа што повеќето слики се црно бели. Новиот Garmish е изработен рачно во Торино, исто како и оригиналот пред близу 50 години.

New photo by Automedia MK / Google Photos

BMW се реши на овој чекор со цел да му оддаде почит на големиот дизајнер. Во 15-те години во кои раководи со Bertone, Марчело Гандини создава прочуени концептни автомобили, како Lancia Stratos Zero или Alfa Romeo Carabo. Неговото најпознато дело сепак е Lamborghini Miura. Тој учествува и во дизајнирањето на првата генерација на серијата 5 на BMW, во времето кога Пол Брак е главен дизајнер на баварската марка.

New photo by Automedia MK / Google Photos

BMW со поздравно видео за заминувањето на Дитер Цече од Daimler

Новите модели од сериите 7 и 8 на BMW со кралски пречек во М Кар

BMW M8 ќе понуди „петта димензија“ на конфигурирање

Будимпешта доби 240 возила BMW и Mini за изнајмување на улица

 


Ти се допаѓа? Сподели со пријателите!

158
21 shares, 158 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *