за

Новата серија 4 на BMW доаѓа в година, концептот од ИАА ветува промени

BMW Concept 4
BMW Concept 4

BMW го прикажа Concept 4 на салонот во Франкфурт, како најава за новата серија 4. Купето ќе се појави во следната есен, кусо потоа ќе следи и кабриолетот. Бубрезите во маската стануваат уште поголеми.

BMW Concept 4 е најава за стилот што ќе го следи новата серија 4, чиешто појавување може да се очекува веќе в година. Студијата долга 4,78 метри е една од вистинските премиери на салонот во Франкфурт, без претходно објавени фотографии или видеа.

Главното обележје е натамошното зголемување на двојните бубрези, како што жаргонски се нарекува изгледот на маската на BMW. Истото важи и за моќниот дифузор во опашот. Баварците не откриваат детали околу моторите, иако во основа тие треба да потекнуваат од сродната серија 3.

Димензиите на бубрезите кај Concept 4 не се само обична дизајнерска вежба, тие со голема веројатност ќе се користат и за сериската изведба на новата серија 4 на BMW

Силуетата на автомобилот висок 1,4 метар и широк близу 1,9 метар, со долга хауба и куси каросериски превиси, личи на постоечкото купе, но изгледа многу подинамично и поагресивно. Новини има во светлата. Диодите во двојните светла не се сокриени зад транспарентни панели, туку се извлечени нанапред и имаат релативно сложена форма. Сличен ефект има и кај задните светла, чиишто ленти од светлечки диоди се оставени без покривен панел.

BMW ги издвои каросериските изведби на купе и кабриолет како серија 4 во 2013 година. Актуелните модели последен пат имаа освежување во 2017 година.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

Дизајнерот Домагој Дукец го објаснува секој детал во изгледот на Concept 4

 

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Audi повторно ќе го менува шефот, новиот доаѓа од BMW

lamborghini еден милион јутјуб

Lamborghini со награда за 1 милион следбеници на јутјуб