145
21 shares, 145 points

Моделот со хибриден погон уште рано влегува во моделската понуда на новата серија 3 на BMW. Досегот на струја е удвоен на 60 km, моќноста порасна на 293 КС. BMW 330e стартува со продажба во следното лето

Струјата одамна е одомаќена во погонската спрега на BMW. Кусо по премиерата на моделите со класичен погон, Минхен веќе го најавува и моделот со хибриден погон, со истата бројка како во претходникот. BMW 330e комбинира дволитарски турбо-бензинец со 184 КС и електромотор со максимални 109 КС, кои заедно постигнуваат системска моќност од 252 КС и 420 њутнметри. Премиера има технологијата XtraBoost, којашто обезбедува екстра 41 КС при нагло забрзување.

Уште поважно од напредокот во моќноста е напредокот во досегот. Со 60 километри, новата хибридна тројка вози двојно подолго на струја отколку претходниот „330e. Потрошувачката исто така е намалена за повеќе од 10 проценти. Според нормите, потрошувачката издесува 1,7 литар на сто километри, а емисијата на СО2 е 39 g/km.

Електромоторот обезбедува екстра 41 КС кога е вклучена спортската програма на BMW 330e – покрај редовните 109 КС

Спринтот до сто трае точно шест секунди, крајната брзина изнесува 230 km/h. Во хибриден режим, новиот модел може да постигне до 110 km/h при погон само на струја (+30 km/h од претходникот), додека во електричен модус се можни 140 km/h (+20 km/h). Нова гордост на баварските техничари е XtraBoost, којшто се активира во спортската програма на возење. Ефектот се дополнителни 41 КС од електромоторот, коишто се постигнуваат краткотрајно, но доволно долго за престигнување или за џентлменски старт.

Кога е активен „бустот“, во кабината се пренесува и соодветно поспортски звук од погонот. Како што налагаат нормите, новиот 330e произведува и посебен звук при возење во град, за пешаците и велосипедистите да бидат свесни за присуството на инаку нечујниот автомобил, додека тој вози на струја.

BMW 330e G20_2

Електромоторот е вграден во 8-степениот автоматик, заради заштеда на простор. Мајсторија на техничарите е тоа што менувачот е само 15 милиметри подолг отколку во верзиите со обичен погон. Како што е вообичаено, електромоторот дејствува како генератор при одземање гас и запирање, полнејќи ја батеријата. Од литиум-јон тип, таа има капацитет од 12 kWh и секако дека се полни и на обична ѕидна кутија за струја или на посебен полнач.

Батеријата е вградена под задните седишта, додека резервоарот за гориво е поставен над задната оска. На тој начин повеќе се сочувува големината на багажникот: Неговито стандарден волумен изнесува 375 литри.

M Sport со нагласено спортско подвозје и спортски сопирачки е достапно и за хибридната тројка

Исто како моделите со класичен погон, BMW 330e може да се нарача во основната варијанта, или како Advantage, Sport Line, Luxury Line или M Sport. Стандардната опрема на хибридната тројка опфаќа греење и климатизација на кабината додека возилото мирува во место – благодарение на батеријата.

Продажбата стартува следното лето, заедно со неколку нови дигитални услуги од BMW. При користење јавен полнач, навигацијата дава информации за блиските хотели, ресторани, кафулиња и знаменитости. Возачот претходно добива информација дали најблискиот полнач е слободен за користење. Во спротивно, следи информација кога се очекува да заврши полнењето на веќе приклучениот автомобил.


Notice: Undefined index: fag_col_layout in /home/automedi/public_html/wp-content/plugins/flickr-album-gallery/flickr-album-gallery-short-code.php on line 37

Премиера на серијата 3 на BMW (G 20)

Flickr Album Gallery Powered By: WP Frank

Новиот BMW X5 стартува со продажба во Македонија

BMW продаде над 300.000 хибриди и електромобили

Шеста генерациска смена за серијата 3 на BMW

Луксуз е да возиш хибриден BMW што заштедува 1000 евра годишно


Ти се допаѓа? Сподели со пријателите!

145
21 shares, 145 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743