Дарко Јаконов
Ваков сервисен повик не се случува секој ден. BMW ги повикува во сервис детските автомобилчиња Baby Racer, поради тоа што логото на BMW може да ги доведе децата во опасност.
Сопствениците на Baby Racer III ќе мораат да ги донесат своите „автомобили“ во продажната мрежа на BMW заради бесплатна замена на нивната детска играчка со нова. Повикот се однесува само на примероците од Baby Racer III коишто се произведени во периодот меѓу мај 2015 и декември 2015 година. Претходните серии се безопасни.
Причина за сервисниот повик е можноста налепницата со логото на BMW да се одлепи од воланот и дечињата можат истата да ја проголтаат. За исклучување на секаква можност тоа да се случи, BMW го иницираше овој необичен сервисен повик.
