166
21 shares, 166 points

На конференција на медиуми во Минхен, мото-марката BMW прикажа студија на суперспортски мотоцикл со електричен погон. Техничките детали засега се непознати, но има најава: S 1000 eRR ќе постави нови стандарди.

Подвозјето и дизајнот на BMW S 1000 eRR се идентични со актуелниот суперспортски мотоцикл S 1000 RR. Но, место од четирицилинарец, моќта до погонскиот синџир пристига од електромотор.

bmw s 1000 err (1)BMW во моментов не ги открива техничките детали, но шефот на мото-марката Штафан Шалер најавува: „S 1000 RR поставува стандарди во поглед на забрзувањето, возните својства и крајната брзина. Но, кога станува збор за забрзувањето во првите метри до 50, 60 km/h, дури и 199-те коњски сили на RR се недоволни против еден друг продукт на BMW, против C evolution со неговиот електричен погон. Ние се прашувавме што ќе се случи кога спортски мотоцикл ќе се комбинира со електричен погон?“

Резултатот секако ќе биде фасцинантен, особено покрај фактот што eRR не испушта ниту грам штетни материи.


Ти се допаѓа? Сподели со пријателите!

166
21 shares, 166 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *