158
21 shares, 158 points

Специјалистот за градежна механизација Liebherr разви камион – мешалка за бетон кој вози со електричен погон. Првите испораки на електричниот камион се планираат за наесен.

Liebherr го разви првиот камион – мешалка за бетон со електричен погон, со барабан со зафатнина од 10 или 12 метри кубни и со шасија со пет оски. Првите примероци се нарачани од швајцарските компании Holcim и Kibag. Конструкцијата е посебно наменета за Швајцарија, затоа што во земјата е дозволено да сообраќаат возила со 40 тони вкупна дозволена тежина и со пет оски.

Подготовката на бетонот во базите е чиста и не е штетна за животната средина, бидејќи во нив се користи електрична енергија. Но, тоа не важи и за транспортот на бетонот до градилиштето. Тоа досега се вршеше класично, со камиони со моќни дизели, кои испуштаат голема количина штетни материи и се гласни.

Растојанието од базите за бетон до градилиштата обично е кусо и нема проблем околу досегот на електричниот погон

Новите бетономешалки со ознака ETM 1005 и 1205 се изработени врз шасија од фирмата Futuricum и возат чисто на струја, без емисија и тивко. Бидејќи растојанието од базите за бетон до градилиштето обично се куси, нема проблем со релативно малиот досег на погонот на батерии. При враќањето во базата, не е потешкотија да се постават полначи за камионите.

Погонската единица што се користи на шасијата Futuricum располага со моќност од 680 КС. Погонот е развиен во соработка меѓу Liebherr и ZF. Батеријата на камионот се користи и за погон на возилото и за бетономешалката. Тоа ја намалува цената. Уште една предност е тоа што електромоторот за бетонометалката е во директна спрега со барабанот, со што се избегнува хидраулика, а со тоа и скапо одржување, како и проблеми со протекување.

Електричен камион разнесува пошта во Ирска


Ти се допаѓа? Сподели со пријателите!

158
21 shares, 158 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *