135
19 shares, 135 points

Тестирањето на новата генерација на Bentley Flying Spur е веќе во завршна фаза. Британците моментно возат во Скандинавија, со тешко маскирана каросерија. Неколку стилски елементи од Continental GT сепак се забележуваат. Техничката платформа пристига од Panamera, можно е во големата лимузина да проработи и хибриден погон.

Bentley неодамна ја врати честа и угледот на своите гран-туризмо модели, откако ја претстави новата генерација на Continental GT. Тоа важи повеќе за стилот, отколку за техниката и совршенството во изработката. Претходниот Continental имаше шарм на када за капење.

Тимот во британскиот Кру веројатно ќе остане во добра форма додека работи на новата генерација на Flying Spur. Техниката веќе се тестира во Скандинавија, во услови на екстремен студ и уште поекстремна заштита од љубопитни погледи. Но, студот очигледно не им пречи на неколку „карпараци“ (жаргонски спој на кар и папараци). Тие ја уловија големата лимузина на Bentley, којашто уште е под дебела маска, но пак може да се забележи дека маската и светлата ќе го преземат стилот од Continental GT.

Во идниот Bentley Flying Spur ќе проработи хибридна техника, поради строгите барања на ЕУ

Како техничка основа служи платформата од Porsche Panamera, со таа разлика што под хаубата тука ќе работи новиот W12. Со најмалку 635 КС, двотонската лимузина со овој мотор ќе спринтува до сто за помалку од четири секунди. „Основната“ изведба ќе го користи четирилитарскиот V8 со битурбо натполнење од Panamera. Сосем е веројатно дека во понудата ќе влезе и плагин-хибридна верзија, којашто исто така ќе ја користи техниката од Panamera. Автомобилот може да се појави под салонските рефлектори веќе годинава, веројатно наесен, на салонот во Париз.

Bentley Bentayga во трка до облаци на Пајкс Пик

Темен Bentley е моќен и лут Bentley

Вака изгледа луксузен пикник за сопствениците на Bentley Bentayga


Ти се допаѓа? Сподели со пријателите!

135
19 shares, 135 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *