Белгија ќе забрани пушење во автомобилите

Од следната година, Белгија забранува пушење во автомобил, доколку внатре седат деца или трудници. Повеќе европски држави досега имаат воведено вакви забрани.

Нема повеќе уживање во пушењето при возење автомобил. Од први јануари 2021 година, во Белгија не смее да се пуши, ако во автомобилот седат малолетни лица. Белгискиот парламент едногласно реши околу донесувањето на овој закон, заедно со општа забрана за рекламирање тутунски производи.

Во повеќе европски држави, меѓу кои Австрија, Франција и Италија, веќе подолго време не смее да се пуши во автомобилите. За прекршок следи парична казна во висина до 3.000 евра или времено одземање на дозволата.

Целта на забраната е дечињата и трудниците да се заштитат од штетното влијание од пасивното пушење. Дури и при отворен прозорец, концентрацијата на чад во кабината е иста како во објект во којшто е дозволено пушење.