146
19 shares, 146 points

Светот дефинитивно сака формула 1 болид како автомобил за секој ден. Единствениот едносед за цивилна примена Bac Mono има важен јубилеј, изработен е стотиот примерок од возилото.

Данскиот музеј за автомобили Стројер Самлинген е побогат за еден автомобил. Во овој дом за повеќе од 120 автомобили од целиот свет, покрај возила од дворот на данската кралска фамилија, автомобили од филмовите со Џејмс Бонд и ретки примероци од Ferrari, Lamborghini, Bugatti, Aston Martin, Porsche и McLaren, отсега се наоѓа BAC Mono со серискиот број 100.

Mono #100 е испорачан во Данска точно за 10-годишнината од основањето на Briggs Automotive Company (BAC) во Велика Британија, од Нил и Јан Бригс. Како за славенички примерок, каросеријата е лакирана во традиционална „британска зелена боја“, со видлива карбонска структура и златни детали по каросеријата, бандажите и штеповите во кабината.

Компанијата од Ливерпул го претстави Mono во 2012 година, како прв и единствен едносед што е дозволен за редовен сообраќај. Моментно се изработуваат по три примероци месечно и тоа е повеќе од доволно за автомобили од ваков ков. BAC Mono досега е испорачан во 38 држави ширум светот. Дилерства за овој уникатен автомобил работат во САД, Канада, Мексико, Хонг Конг, Јапонија и Шведска.

Основни технички податоци:
  • Крајна брзина: 275 km/h
  • 0 – 60 mph (96 km/h): 2,7 s
  • Моќност: 310 КС
  • Вртежен омент: 308 Nm
  • Сува тежина: 580 kg
  • Сооднос моќ-тежина: 535 КС на тон

Прва дама сопственичка на екстремниот едносед Bac Mono

BAC Mono е најдобар автомобил за „себични недели“ според Top Gear

BAC Mono со титула на најбрз автомобил тестиран од британскиот Evo

Врска до данскиот автомобилски музеј: https://strojersamlingen.dk/


Ти се допаѓа? Сподели со пријателите!

146
19 shares, 146 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *