151
22 shares, 151 points

Независно тестирање во обична ситуација во возачкото секојдневие ги покажа катастрофалните слабости на автопилотот. Техниката за автономно возење треба да созрева уште долги години додека го достигне возачот во безбедноста при возењето. Целта сепак е автопилотот да биде побезбеден од возачот

Сигурно е дека возачот еден ден ќе стане непотребен зад воланот на автомобилот. Но, до тој ден има уште многу време. Производителите во моментов вградуваат многубројни системи за асистенција во своите возила, но никој од овие системи не го заменува возачот.

Идејата е автопилотите да ја подобрат безбедноста на патиштата и да ги сведат судирите на нула, но постојано пристигаат вести за незгоди со кобни последици, коишто биле предизвикани токму поради тоа што возачот премногу верувал во способноста на техниката. Неоспорно е дека автономното возење функционира, но дури и највообичаените промени во условите пред возилото можат да го збунат автопилотот.

автопилотот е небезбеден тестирање

Истражувачки центар во Британија покажа колку е „глупава“ техниката. Автопилотот на тест-автомобилот, во случајов Tesla Model S, вози без проблеми следејќи ја колоната напред. Но, кога возилото пред Tesla одненадеж преоѓа во соседната лента за да избегне автомобил што е запрен на патот, автопилотот продолжува без да ја забележи опасноста и удира со полна брзина во запрениот автомобил, односно во балонот што симулира автомобил.

Одговорноста за незгодите честопати се префрлува на возачите, од едноставна причина што и правните рамки уште се нејасни околу автономното возење. На производителите им е доволно само да наведат во прирачникот за возилото, дека рацете на возачот мора цело време да се наоѓаат на воланот и дека автопилотот е само помошен систем, којшто не може целосно да го замени возачот. Тоа е делотворно исто колку советот да не се користи телефон за време на возењето.


Ти се допаѓа? Сподели со пријателите!

151
22 shares, 151 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *