179
31 shares, 179 points

Патниците во возилото ќе бидат ослободени од одговорност во случај кога роботските автомобили ќе учествуваат во незгода. Наспроти тоа, програмерите би можеле да имаат големи проблеми.

Технологијата на автономно возење и роботските автомобили уште одамна имаат достигнато зрелост за сериско производство и пуштање во јавен сообраќај. Законодавството е тоа што ја притиска сопирачката. Долго време се расправа на оваа проблематика, меѓу другото и околу тоа кој ќе ја преземе одговорноста, во случај кога возилото управувано од компјутер и вештачка интелигенција ќе предизвика судир.

New photo by Automedia MK / Google Photos

Експертите на глобално ниво засега се сложни околу едно. Возачот не треба да одговара во случај на незгода додека возилото управува самостојно. Тој ќе подлежи на казнена одговорност само доколку самостојно ја преземе контролата над возилото, односно во случај да реагира предоцна, кога безбедносните системи на автопилотот ќе побараат возачот да ги преземе командите.

Производителите во иднина можеби ќе бидат поштедени од нова дизел афера, но не и од автопилот-афера

Ризикот во иднина ќе биде поголем за производителите на автомобили, за конструкторите и за софтверските програмери. Можно е тие да бидат гонети кривично, доколку роботските автомобили предизвикаат незгода со човечки жртви.

Новите технологии ја поместуваат одговорноста од возачот, на вештачката интелигенција. Возачите во иднина ќе мора да бидат добро информирани за правните последици пред да го вклучат автоматското возење. На законодавството во секој случај му преостанува уште долг период на напорна работа околу правните предизвици на роботските автомобили.

Автопилотот уште не е дораснат да го замени возачот

Самовозечки минибуси за студентите во Франкфурт

Volvo тестира „самовозечки“ камион за собирање отпад

Ford вложува 4 милијарди долари во автономни возила

 


Ти се допаѓа? Сподели со пријателите!

179
31 shares, 179 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *