174
26 shares, 174 points

По австриските патишта постојано има голема раздвиженост. Деновиве едни се симнуваат од Алпите, други се упатуваат кон Италија, да уживаат во „примавера“. Но, за сите важи обврската да се купи вињета за користење на автопатиштата. Некои возачи се обидуваат да заштедат, но тоа очигледно им успева на малкумина. Лани полицијата издала 190.000 казни за немање вињета. Следат најчестите и најоригинални оправдувања на возачите и возачките.

Од возачките и возачите во некои ситуации е потребна голема фантазија. Ако за ништо друго, барем за контролорите по австриските автопатишта да се забавуваат. Меѓу најоригиналните и најбудалести оправдувања за немање вињета, дефинитивно води тоа дека „песот ја откорна и ја изеде вињетата.“ Ова се најчестите изговори при користење по автопатиштата во Австрија без да се плати вињета:

  • Не знаев дека постои обврска за вињета во Австрија.
  • Мислев дека не се плаќа вињета до првиот излез.
  • Не знаев каде се продаваат вињети.
  • Не знаев дека во случај да се замени ветробранот поради оштетување, следува резервна вињета.
  • Автомобилот не е мој.
  • Купив дигитална вињета и не знам зошто таа не е регистрирана во системот.
  • Навигацијата ме наведе на автопатот.
  • Вињетата е во чантата на мојата сопруга.
  • Морам итно во болница.
  • Не најдов место кадешто се продаваат вињети.

Секако дека ниту еден од овие изговори не се покажал „делотворен“ и прекршителите морале да платат казна во висина до 240 евра. Тоа е драконска казна, кога ќе се иома предвид дека вињета со времетраење од 10 денови чини 9,20 евра. Годишна вињета за автомобил чини 89,20 евра, двомесечна 26.80 евра. Мотоциклистите плаќаат од 35,50 евра за цела година, до 5,30 евра за 10 денови.

Холандската полиција собрала 17 милиони евра од казни за телефонирање

Милијардерка казнета со 25.000 евра за возење под алкохол

ЕУ бара наплата на патарина според емисијата на СО2


Ти се допаѓа? Сподели со пријателите!

174
26 shares, 174 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *