за ,

AUTO BILD пишува: „Автомобилите знаат сé за нас“

Германскиот магазин предупредува за опасностите од запишувањето на податоците во модерните автомобили. Само производителите имаат пристап до овие податоци.

Меморирањето на телеметриските податоци во модерните возила се претвора во горлив проблем на заштитата на личните податоци, пишува магазинот Auto Bild во последното издание. Адвокатите дискутираат околу тоа во чија сопственост се овие податоци и во кој обем производителите смеат да ги користат истите. Според нив, сопствениците на автомобили мора да се точно информирани за овие податоци.

Не се собираат само податоците за системот против блокирање и за воздушните перници, туку и за клима уредот, засилувачот на силата на сопирање, темпоматот, па дури и светлата. Сите овие информации се само дел од гигантската мрежа на податоци во која што се мерат брзината, вртежите на моторот, позицијата, растојанието, центрифугалната сила, натовареноста или знаците за замор кај возачот.

Единствено производителите имаат пристап до шифрираните информации. Екстремните случаи како на пример возење со високи вртежи, преоптоварување или други отстапувања од нормалните услови на возење се меморираат и му овозможуваат на производителот да ги користи, на пример во случај кога корисникот ќе побара остварување на правото на гаранција за возилото. Во тој случај, производителот може лесно да го одбие ова барање.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Виена ќе постави 300 полначи за електрични автомобили до 2015 година

Белата е најпопуларна боја во 2013 година